अभिषेक, अमिताभ बच्चन यांना कोरोनाची लागण, नानावटी हॉस्पिटलमध्ये दाखल

बॉलिवूड चित्रपट सृष्टीतील ज्येष्ठ अभिनेते अमिताभ बच्चन आणि त्यांचे पुत्र अभिषेक यांना कोरोनाची लागण झाल्याचे समोर आले आहे. त्यांच्या कुटुंबातील जया बच्चन, ऐश्वर्या रॉय, आराध्या यांचे अहवाल निगेटिव्ह आले आहेत. अमिताभ बच्चन यांनी स्वतः ट्विट करुन याबाबत माहिती दिली आहे. अमिताभ बच्चन यांना नानावटी हॉस्पिटलमध्ये दाखल करण्यात आले आहे.

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020

अमिताभ बच्चन यांनी ट्विट केले की, माझा कोरोना रिपोर्ट पॉझिटिव्ह आला आहे. त्यामुळे मला रुग्णालयात भरती करण्यात आले आहे. घरातील सदस्यांच्याही कोरोना चाचणी करण्यात आल्या असून त्यांचा अहवाल येणे बाकी आहे. मागील 10 दिवसांत माझ्या संपर्कात आलेल्या सर्वांनी कोरोना चाचणी करावी.

Earlier today both my father and I tested positive for COVID 19. Both of us having mild symptoms have been admitted to hospital. We have informed all the required authorities and our family and staff are all being tested. I request all to stay calm and not panic. Thank you. 🙏🏽

— Abhishek Bachchan (@juniorbachchan) July 11, 2020

अभिषेकने ट्विट केले की, “मी आणि माझे वडील आम्हा दोघांची कोरोना टेस्ट पॉझिटिव्ह आलीय. आम्हाला दोघांना कोरोनाची सौम्य लक्षणं असून रुग्णालयात भरती करण्यात आलंय. मी सर्व स्टाफ आणि कुटुंबातील सदस्यांना कोरोना चाचणी करण्यास सांगितले आहे. मी सर्वांना विनंती करतो की शांत राहा आणि घाबरू नका. धन्यवाद”