मुंबई : राज्याचे माजी गृहमंत्री अनिल देशमुख यांचे जावई गौरव चतुर्वेदी यांना सीबीआयनं ताब्यात घेतलं होतं. 20 मिनिटांच्या चौकशीनंतर त्यांची सुटका करण्यात आली आहे. मात्र देशमुख यांच्या लीगल टीममधील वकील आनंद डागा यांना सीबीआयनं अटक केली आहे. अनिल देशमुख यांना क्लीनचिट दिल्याचा प्राथमिक चौकशी अहवाल लीक झाला होता. त्यासंदर्भात ही कारवाई सुरु असल्याचं बोललं जात आहे.
राणे-सेना वादानंतर राऊतांच्या सुरक्षेत वाढ, घर आणि कार्यालयाला छावणीचं स्वरूप!
अनिल देशमुख यांचे जावई गौरव चतुर्वेदी यांना बुधवारी मुंबईतील वरळी येथून सीबीआयने ताब्यात घेतल्या नंतर एकच खळबळ उडाली. सीबीआयकडून त्यांना कोणत्याही प्रकारचं समन्स सुनावण्यात आलं नव्हतं. वरळीतील सुखदा इमारतीतून त्यांना ताब्यात घेण्यात आलं होतं. गौरव चतुर्वेदी आणि वकील आनंद डागा आपल्या गाडीने जात होते, यावेळी सीबीआयने गाडी रोखून त्यांना ताब्यात घेण्यात आलं. चौकशीनंतर त्यांना सोडण्यात आलं.
केंद्रीय तपास यंत्रणांनी आज अनिल देशमुख यांचे जावई आणि त्यांच्या वकिलांना कुठल्याही नोटीसीशिवाय उचलून नेले असे कळते. हे अत्यंत गंभीर आहे. "देशात मोदीशाही चालू आहे. नियम कायदे गुंडाळले गेले आहेत. हम कहे सो कायदा आहे " असे मोदी सरकारने अधिकृतपणे जाहीर करून टाकावे. जाहीर निषेध!
— Sachin Sawant सचिन सावंत (@sachin_inc) September 1, 2021
काँग्रेसचे नेते सचिन सावंत यांनी यासंदर्भात ट्विट केलं आहे. या ट्विटमध्ये त्यांनी मोदी सरकारचा निषेध केला आहे. देशात मोदीशाही चालू आहे. नियम कायदे गुंडाळले गेले आहेत. हम कहे सो कायदा आहे ” असे मोदी सरकारने अधिकृतपणे जाहीर करून टाकावे. जाहीर निषेध! असं ट्वीट करत सचिन सावंत यांनी सीबीआयच्या कारवाईवर टीका केली. देशमुख कुटुंबियांकडून चतुर्वेदी यांचं अपहरण झाल्याचा आरोप करण्यात आला होता. गौरव चतुर्वेदी यांचं वरळीतील निवासस्थानाखाली10 जणांनी अपहरण केल्याचा आरोप देशमुख कुटुंबियांनी केला. याप्रकरणी देशमुख कुटुंबियांनी वरळी पोलीस स्टेशनमध्येही धाव घेतली होती.
महाविकास आघाडीत पुन्हा ठिणगी? दिलीप मोहिते-पाटील यांचा मुख्यमंत्र्यांना घरचा आहेर
सीबीआयचे सब इंस्पेकटर अभिषेक तिवारीला स्वत: सीबीआयने अटक केली. अनिल देशमुख यांच्या प्रकरणा संदर्भात सीबीआयचा अंतर्गत चौकशी अहवाल फुटला होता. त्या प्रकरणात सीबीआयने उशिरा रात्री ही अटक केली. सोबतच अभिषेक तिवारी यांचे सीबीआय कार्यालयातील लॉकर आणि अलाहाबाद येथील लॉकरची देखील सीबीआयने तपासणी केली. अनिल देशमुख यांना सीबीआयने क्लिन चिट दिल्याचा सीबीआयचा अहवाल सोशल मीडियावर व्हायरल झाला होता. हे कागदपत्र बाहेर कशी आली याचा सीबीआय मागच्या सहा दिवसापासून तपास करत होते. त्यांनतर ही कारवाई करण्यात आली.
Read Also :
- खडसेंच्या सह आणखी ३ जणांची नावे चर्चेत, कुणाचा पत्ता कट होणार? मुख्यमंत्री राज्यपालांच्या भेटीला
- “…आता तसं कुणी म्हटलं कि दुसरा चेहरा नजरेसमोर येतो,” चंद्रकांत पाटलांचं युतीबद्दल मोठं भाष्य
- मराठा आरक्षणप्रश्नी संभाजीराजे घेणार राष्ट्रपतींची भेट; शिष्टमंडळात सर्वपक्षीय खासदारही
- आगामी निवडणुकीत युती की महाविकास आघाडी? शरद पवारांनी आढावा बैठकीत केले चित्र स्पष्ट
- “राष्ट्रपतींनी राज्यपालांची चौकशी करावी, त्यांच्यामुळे राष्ट्राला व संविधानाला धोका”- बच्चू कडू