टीम इंडियाचा अष्टपैलू खेळाडू हार्दिक पांड्याला पुत्रप्राप्ती झाली आहे. हार्दिकची पत्नी नताशाने एका गोंडस बाळाला जन्म दिला आहे. या संदर्भात पांड्याने आपल्या मुलाच्या हाताचा फोटो इन्स्टाग्रामवरुन शेअर केला आहे. आपल्या पोस्टमध्ये पांड्याने कॅप्शनमध्ये लिहिले आहे की, ‘आम्हाला मुलाचे भाग्य लाभले आहे’.
दरम्यान हार्दिक पांड्या बाबा बनल्याची बातमी समजताच त्याचे क्रिकेटपटू मित्र आणि चाहत्यांनी त्यांचे अभिनंदन करण्यास सुरुवात केली आहे. हार्दिकने आतापर्यंत आपली आयपीएल टीम मुंबई इंडियन्स, केएल राहुल, युजवेंद्र चहल, ख्रिस लिन इत्यादींचे या पोस्टवर अभिनंदन केले आहे. यावर्षी नवीन वर्षाच्या निमित्ताने हार्दिकचा नताशाशी साखरपुडा झाला होता. त्यानंतर लॉकडाऊन दरम्यान त्याने नताशासोबत लग्नाची गाठ बांधली होती. हार्दिक चाहत्यांना सोशल मीडियाच्या माध्यमातून प्रत्येक अपडेट देत राहतो. सोशल मीडियावर चाहत्यांसमवेत त्याने नताशाच्या गरोदरपणाची माहितीही शेअर केली होती.