कृषी विभागातील सर्वात मोठा घोटाळा..! धनंजय मुंडेंच्या अडचणी आणखी वाढल्या

मुंबई : गेल्या दोन महिन्यांपासून मंत्री धनंजय मुंडे यांच्या अडचणी सातत्याने वाढत चालल्या आहेत. सुरूवातीला संतोष देशमुख हत्या प्रकरणात मुख्य आरोपी असलेल वाल्मिक कराड यांच्याशी त्यांचं नाव जोडलं जात आहे. त्यावरून त्यांनी मंत्री पदाचा राजीनामा द्यावा, अशी मागणी केली जात आहे. तर कृषी मंत्री असतांना धनंजय मुंडे यांनी कृषी विभागात सर्वात मोठा भ्रष्टाचार केल्याचा आरोप सामाजिक कार्यकर्त्या अंजली दमानिया यांनी केला आहे.

हेही वाचा…“महायुतीच्या नीट बातम्या द्या, नाहीतर…” हाती AK 47 बंदूक हाती घेत अजितदादांचा इशारा

राज्य सरकारच्या MAIDC (महाराष्ट्र अॅग्रिकल्चरल इंडस्ट्रीज डेव्हलपमेंट कॉर्पोरेशन) द्वारे खरेदी करण्यात आलेल्या बैटरी पंपांच्या किमतीत मोठी तफावत आढळली आहे. मिळालेल्या माहितीनुसार MAIDC स्वतः बैटरी पंप ₹2190/- रूपयांना खरेदी करत होते. त्यावर GST धरला तर किंमत ₹2453/-इतकी होत होती. मात्र कृषी मंत्री धनंजय मुंडे यांच्या कार्यकाळात हेच पंप तब्बल ₹3425/- ला खरेदी करण्यात आले, असा गंभीर आरोप अंजली दमानिया यांनी केला आहे.

हेही वाचा…“माझी आई आमचा सूड घेतलीय, तिनेच वडिलांना सोडायलं लावलं,” धनंजय मुंडेंच्या मुलाची पोस्ट व्हायरल

तसेच MAIDC स्वतः ₹2190/- ला खरेदी करत असलेले पंप, सरकारने ₹3425/- ला का घेतले? GST सहित किंमत ₹2453/- इतकी असताना दरामध्ये एवढी वाढ कशासाठी? असा सवालही त्यांनी केला आहे. या व्यवहारामध्ये मोठ्या प्रमाणात भ्रष्टाचार झाल्याचा संशय देखील त्यांनी व्यक्त केला आहे.

विरोधकांनी मुख्यमंत्री देवेंद्र फडणवीस यांना थेट लक्ष्य केले असून हा भ्रष्टाचार उघड झाल्यानंतर सरकारकडून काय कारवाई केली जाणार? असा सवाल उपस्थित केला आहे. राज्य सरकारकडून या आरोपांवर अधिकृत स्पष्टीकरण अद्याप आलेले नाही. धनंजय मुंडे यांच्या अडचणी वाढणार? या घोटाळ्यामुळे तत्कालीन कृषी मंत्री धनंजय मुंडे यांच्यावर चौकशीचा दबाव वाढला आहे. विरोधकांनी तपास आणि तत्काळ कारवाईची मागणी केली आहे. सरकारकडून या प्रकरणावर काय भूमिका घेतली जाते, याकडे संपूर्ण राज्याचे लक्ष लागले आहे.