जळगाव : मुंबईत भाजपाच्या नवनियुक्त राज्य कार्यकारणीची बैठक होती. त्याला नाराज एकनाथ खडसे उपस्थित राहणार का, याची सर्वांना उत्सुकता होती. खडसे पक्ष कार्यालयात प्रत्यक्षात उपस्थित राहिले नाहीत. व्हिडिओ कॉन्फरन्सच्या माध्यमातून त्यांनी बैठकीला उपस्थिती लावली. या बैठकीस प्रदेशाध्यक्ष चंद्रकांत पाटील, विरोधी पक्षनेते देवेंद्र फडणवीस, माजी मंत्री गिरिश महाजन यांच्यासह राज्यातील प्रमुख नेते उपस्थित होते.
बुधवारपासून एकनाथ खडसे हे मुबंईत ठाण मांडून असल्याने त्यांच्या पक्षांतराच्या चर्चेने अधिक जोर धरला आहे. मुंबईत खडसे राष्ट्रवादीचे अध्यक्ष शरद पवार यांची भेट घेणार असल्याची दाट शक्यता देखील वर्तविली जात आहे. मात्र, एकनाथ खडसे यांनी हस्पिटलच्या कामासाठी मुंबईत आल्याचे सांगत शरद पवार यांची भेट घेण्याचा वृत्ताचा स्पष्ट शब्दात इन्कार केला होता. दुसरीकडे शरद पवार यांनीही अशी कोणतीही भेट ठरलेली नसल्याचे सांगितले.
पक्षांतर्गत अन्याय झाल्यामुळे नाराज असलेले भाजपाचे ज्येष्ठ नेते एकनाथ खडसे राष्ट्रवादीत जाणार असल्याची चर्चा सुरू असतानाच खडसे यांनी आज मुंबईत झालेल्या भाजप कार्यकारिणीच्या बैठकीला प्रत्यक्षात पक्ष कार्यालयात न जाता व्हिडिओ कॉन्फरन्सच्या माध्यमातून हजेरी लावली. दरम्यान, राष्ट्रवादी काँग्रेसमध्ये प्रवेशाच्या विषयावर तसं काही नसल्याचे खडसे यांनी एका वृत्तपत्राला सांगितल्याचे देखील समजते.
जळगावात मात्र राष्ट्रवादी प्रवेशाची चर्चा
येत्या चार दिवसांत खडसे यांचा राष्ट्रवादीत प्रवेश होणार असल्याचे संकेत आहेत. राष्ट्रवादीकडून खडसे यांना मंत्रिपद मिळणार असल्याचेही खडसे यांचे जळगावातील समर्थक छातीठोकपणे सांगत आहेत.
Read Also
ये… तोंडावर मास्क घेऊन बोल, अजित पवारांनी कर्मचाऱ्याला झापलेhttps://t.co/M1MXDgMjTr#AjitPawar #NCP
— Political महाराष्ट्र (@PoliticalMH) October 9, 2020