नवी दिल्ली : कोरोनाच्या सावटातून आणि दुसऱ्या लाटेतून जग सावरतं आहे. अशात ओमिक्रॉन या विषाणूचं संकट जगाला भेडसावण्याची चिन्हं आहेत. आफ्रिकेत सापडलेल्या या नव्या विषाणूचं नामकरण जागतिक आरोग्य संघटनेनं ‘ओमिक्रॉन’ असं केलंय. जगात अनेक देशांनी उपाययोजना सुरु केल्या आहेत, आज दिल्लीतही पंतप्रधानांनी तातडीची बैठक बोलावली.
मार्च एप्रिलमध्ये भाजप-शिवसेनेचे राज्यात सरकार स्थापन होईल – रामदास आठवले
आज झालेल्या बैठकीत पंतप्रधान मोदी यांनी अधिकाऱ्यांकडून विविध प्रकारची माहिती घेतली. यामध्ये भारतात कोणते व्हेरिएंट आहेत? त्याबद्दल जाणून घेतलं. विदेशी पर्यटकांचे नमुने जिनोम सिक्वेन्सिंगसाठी पाठवण्यात यावेत असंही म्हटलं आहे. आधी अल्फा, मग बीटा, मग डेल्टा आणि आता ‘ओमिक्रॉन..’कोरोनाच्या नव्या विषाणूंची ही साखळी थांबता थांबेना..आता आफ्रिकेत कोरोनाच्या नव्या विषाणूनं सध्या सगळ्या जगाची चिंता वाढवली आहे. WHO नं या व्हेरिएंट ऑफ कन्सर्नच्या यादीत टाकलंय. अनेक देशांनी खबरदारीच्या उपाययोजना सुरु केल्या आहेत. भारतातही आज पंतप्रधान मोदींनी या नव्या विषाणूच्या पार्श्वभूमीवर कोरोनाच्या स्थितीचा आढावा घेण्यासाठी उच्चस्तरीय बैठक बोलावली.
एसटी संप फुटला आहे या निव्वळ अफवाच; संजय राऊत, शरद पवारांविरोधात सदावर्तेंचा हल्लाबोल
भारतात सध्या या कोरोनाच्या नव्या ‘ओमिक्रॉन’ विषाणूचा एकही रुग्ण सापडलेला नाही. पण मागच्या लाटेत आपल्याला जोरदार तडाखा बसला होता. हा नवा विषाणू डेल्टापेक्षाही भयानक मानला जात आहे. त्याच पार्श्वभूमीवर पंतप्रधानांनी यावेळी उशीर होऊ नये यासाठी ही उच्चस्तरीय बैठक बोलावली. कॅबिनेट सचिव राजीव गौबा, आरोग्य सचिव राजेश भूषण नीती आयोगाचे सदस्य व्ही के पॉल यांच्या उपस्थितीत ही बैठक पार पडली. अमेरिका, रशिया, कॅनडा, ब्रिटन, ऑस्ट्रेलिया यासारख्या अनेक देशांनी आफ्रिकेतून येणाऱ्या फ्लाईटसवर बंदी घातलीय. न्यूयॉर्कमध्ये हेल्थ एमर्जन्सी लागू करण्यात आली आहे. भारतातही तातडीनं फ्लाईटस बंदी लागू करण्यात यावी अशी मागणी मुंबईच्या महापौरांनी, दिल्लीच्या मुख्यमंत्र्यांनी पंतप्रधानांकडे केली आहे.
PM Narendra Modi chairs meeting with top govt officials on COVID-19 situation & vaccination; Cabinet Secretary Rajiv Gauba, Principal Secretary to PM, PK Mishra, Union Health Secretary Rajesh Bhushan & NITI Aayog member (health) Dr VK Paul are among the attendees
(Photo: PMO) pic.twitter.com/u4keTTDlwx
— ANI (@ANI) November 27, 2021
ओमिक्रॉन हा डेल्टापेक्षाही प्रचंड वेगानं पसरतोय. आत्तापर्यंत या विषाणूचे 50 म्युटंटस सापडल्याचं डॉ. रमण गंगाखेडकर यांनी एका मुलाखतीत म्हटलं आहे.. पण सोबतच अजून या विषाणूमुळे नेमकी हॉस्पिटलायझेशनची गरज किती, मृत्यूचं प्रमाण किती आहे याचा अभ्यासपूर्ण निष्कर्ष समोर आलेला नाहीय. पण कमी संख्या असतानाही जगात यावेळी सतर्कता अधिक आहे ही त्यात चांगली गोष्ट म्हणायला हवी असंही त्यांनी म्हटलंय.
नवाब मलिक यांची भूमिका ड्रग माफियांसाठी फायदेशीर ठरली; निलेश राणेंचा सनसनाटी आरोप
मार्च 2020 पासून बंद असलेल्या आंतरराष्ट्रीय फ्लाईटस भारतात 15 डिसेंबरपासून सुरु होतील असं शुक्रवारीच जाहीर करण्यात आलंय. अर्थात त्यात वेगवेगळ्या देशांचे तीन गट धोका पातळीनुसार करण्यात आले आहेत. पण आफ्रिकन विषाणूच्या वाढत्या उद्रेकामुळे या फ्लाईटसबंदीबाबत पुन्हा गांभीर्यानं विचार करण्याची वेळ आली आहे.
Read Also :
- राज्यात पुन्हा निर्बंध लागू, सरकारची नवी नियमावली जाहीर… वाचा सविस्तर…
- ‘त्यांच्या बुद्धीला जे वाटलं ते ते बोलले’; अजित पवारांचा नारायण राणेंना टोला
- नवाब मलिक यांना आपल्या कृत्यांची जाणीव झाली असेल; प्रविण दरेकरांचा टोला
- एसटी आंदोलन पेटले; शेवगाव आगाराच्या 3 एसटी बसेसवर दगडफेक, बसचालक जखमी
- भाजपला मोठं खिंडार; भाजपमध्ये गेलेल्यांची लवकरचं घरवापसी होणार…