मुंबई : वडिलांना खोट्या केसमध्ये अडकवून तुरुंगात डांबलं आहे, काही जणांनी दादाच्या अंगावर तीन वेळा गाडी घातली होती, त्याचा आता पत्ता नाही, धाकट्या भावावरही त्यांनी वार केले, असा आरोप ठाणे जिल्ह्यातील बदलापूर शहरात राहणाऱ्या तृप्ती यादव नावाच्या तरुणीने केला आहे. ठाकरे सरकारकडे मदतीसाठी टाहो फोडत न्याय न मिळाल्यास आईसह आत्महत्या करण्याचा इशारा तृप्तीने दिला आहे. तृप्ती यादवचा व्हिडीओ महिला पत्रकाराने ट्विटरवर शेअर करत मुख्यमंत्री उद्धव ठाकरे, गृहमंत्री दिलीप वळसे पाटील, ठाणे पोलीस यांना टॅग करुन मदतीची विनवणी केली आहे.
‘एक पक्ष आणि एक गाव मात्र फडणवीसांना टोला आणि गडकरीचं कौतुक, काय म्हणाले पवार… पहा’
“इतका त्रास दिला जात आहे, वडिलांना लॉकअपमध्ये टाकलं आहे, मोठ्या भावाचा पत्ता नाही, धाकट्या भावाला सांगत आहेत की दोघांना ताब्यात घेणार. त्यांच्यावरही 307 किंवा 326 अंतर्गत कारवाई व्हावी, आमच्याकडे पूर्ण फुटेज आहे. त्यामध्ये स्पष्टपणे दिसत आहे की आमची काही चूक आहे की नाही. माझे वडील किंवा मोठ्या भावाने काहीही केलेलं नाही. त्यांनी येता-येता माझ्या दादाला मारायला सुरुवात केली. माझ्या धाकट्या भावालाही मारलं. माझ्या धाकट्या भावाने सेल्फ डिफेन्समध्ये त्यांच्याच हत्याराने त्यांना मारलं, त्यानंतर त्यांनी त्याच्यावरही वार केले. मोठ्या भावाच्या अंगावर तीन वेळा गाडी चढवून ते फरार झाले.” असा आरोप तरुणीने व्हिडीओमध्ये केला आहे. मात्र ज्यांच्यावर आरोप आहेत, त्यांच्या नावाचा उल्लेख तिने केलेला नाही.
तृप्ति यादव, बदलापुर पश्चिम, ह्या पीडिताला सहकार्य करून पोलिसांनी आरोपींवर योग्य ती कायदेशीर कार्यवाही करावी.@CMOMaharashtra @Dwalsepatil @DGPMaharashtra @CPThanet @ThaneCityPolice #crime#justice pic.twitter.com/ijThp8gyiw
— Nitika Rao (@rao_nitikas) November 18, 2021
“आमच्यावर उलटी केस टाकली. बदलापूर गावचे पोलीस त्यांना पाठिंबा देत आहेत. मी जेव्हा एफआयआर घ्यायला गेले, तेव्हा मला म्हणाले त्यांच्यावरही 307 लावलाय. मी पाहिलं तर आमच्यावर 326 लावलाय, पूर्ण कुटुंबाला त्रास देत आहेत. माझी आई एकटी आहे घरी. माझ्या कुटुंबासोबत असं करत आहेत. उद्या काही झालं तर मी आणि माझी आई आत्महत्या करु, संपूर्ण जबाबदारी सरकारची असेल. माझ्याकडे सगळे पुरावे आहेत. पोलिसांकडे फूटेज असूनही आम्हाला सहकार्य करत नाहीत, त्रास देतात. आम्ही हा त्रास आणखी सहन करु शकत नाही. माझ्या बाबांना लॉकअपमध्ये टाकलंय. माझी शेवटची विनंती आहे सरकारकडे त्यांच्यावरही 307 लावा” असंही तिने व्हिडीओमध्ये म्हटलं आहे.
Read Also :
- “अनिल देशमुखांना जेलमध्ये टाकल्याची भाजपाला किंमत चुकवावी लागेल”
- झूठ की सारी दिवारों को गिराते जायेंगे; नवाब मलिकांच्या ट्विट’ने पुन्हा संभ्रम
- शरद पवार यांचा यवतमाळ आणि वर्धा दौरा रद्द..!
- सातारा जिल्हा बँकेत पाटणकर विरुद्ध मंत्री देसाईत होणार हायहोल्टेज लढत; ५२ मतदारावर ठरणार राजकीय भवितव्य
- कोल्हापूरात सतेज पाटील आज करणार शक्तिप्रदर्शन; दिग्ग्ज मंत्री, आमदार, खासदारांच्या उपस्थितीत भरणार उमेदवारी अर्ज