पुणे आणि पिंपरी चिंचवडमध्ये तसंच पूर्ण पुणे जिल्ह्यात पुन्हा एकदा लॉकडाऊन घोषित करण्यात आला आहे. उपमुख्यमंत्री आणि पुण्याचे पालकमंत्री अजित पवार यांनी याबाबतचे आदेश दिले आहेत. त्यानुसार येत्या सोमवारपासून म्हणजे 13 जुलैपासून म्हणजेच उद्या रात्रीपासून २३ जुलैपर्यंत संपूर्ण जिल्ह्यात लॉकडाऊन असणार आहे.
पुणे आणि पिंपरी चिंचवडमध्ये १० दिवस कडक लॉकडाऊन असेल. दूध, औषधे आणि अत्यावश्यक सेवा सुरु राहतील, अशी माहिती विभागीय आयुक्त दीपक म्हैसेकर यांनी पत्रकार परिषदेत दिली होती. आता याबाबतची सविस्तर नियमावली आज जाहीर करण्यात आली आहे. पुणे आणि पिंपरीचिंचवाड या दोन्ही हारांसाठी समान अटी व नियम लागू करण्यात आले आहेत
पुणे आणि पिंपरी चिंचवडमध्ये कोरोनाचा प्रादुर्भाव कमी करण्यासाठी काही उपयोजना खालीलप्रमाणे
- सर्व किराणा दुकाने, सर्व किरकोळ व ठोक विक्रेते, सर्व इतर व्यवसाय करणारे व्यापारी दुकाने सर्व उद्योग बंद राहतील.
- क्रिडांगणे आणि मोकळा जागा बंद
- उपहार गृह, लॉज, हॉटेल्स, रेस्टोरंट सर्वकाही बंद
- सर्व सलून आणि ब्युटीपार्लर बंद
- भाजी मार्केट, फळविक्रेते , आठवडे आणि दैनिक बाजार बंद
- शाळा, महाविद्यालये शैक्षणिक संस्था बंद
- खाजगी आणि सार्वजनिक प्रवास वाहने देखील बंद
- सार्वजनिक आणि खाजगी बस सेवा देखील बंद
- मालवाहतूक करणारी वाहने १४ ते १८ जुलै दरम्यान बंद
- सर्व प्रकारचे बांधकाम कंस्ट्रक्शनची कामे बंद
- सर्व चित्रपटगृहे, सर्व सभा, धार्मिक स्थळे संपूर्णतः बंद
- फूड डिलेव्हरी, होम डिलेव्हरी सेवा बंद
काही अत्यावश्यक गोष्टी मर्यदित स्वरूपात सुरु राहतील त्या खालीलप्रमाणे –
- दूध विक्रेत्यांना घरपोच दूध पोहचवण्यासाठी सकाळी ६ ते ८ वाजेपर्यंत परवानगी
- सर्व खाजगी व सार्वजनिक वैद्यकीय सेवा नियमित वेळेनुसार सुरु
- सर्व रुग्णालये आणि रुग्णालयीन सेवा नियमित वेळेनुसार सुरु
- सर्व मेडिकल २४ तास सुरु राहतील
- सर्व शासकीय कार्यालय मर्यादित करणचारी वर्गासह सुरू
- पेट्रोलपंप सकाळी ९ ते दुपारी २ पर्यंत सुरु ( फक्त शासकीय आणि अत्यावश्यक सेवेतील वाहनासाठी )
- एलपीजी गॅस घरपोच सेवा नियमानुसार सुरु
- निर्यात होणाऱ्या वस्तूंची वाहतूक शासन नियमानुसार सुरु
- वर्तमान प्रिंटिंग, प्रिंटमीडिया कार्यालये सुरु
- पाणीपुरवठा करणारे टँकरला परवानगी
- कोणत्याही व्यक्तीस अत्यावश्यक कारणाशिवाय घराबाहेर पडता येणार नाही.
- सर्व राष्ट्रीयकृत आणि आरबीआयने परवानगी दिलेल्या बँका सुरु मात्र ग्राहकांना बँकेत जाण्यास परवानगी नाही
- सर्व शासकीय कर्मचारी , अधिकारी, वकील तसेच अत्यावश्यक सेवा पूर्वण्र्या व्यक्तींना दुचाकी किंवा चार चाकी वापरण्यास परवानगी
- दिनांक १४ जुलै ते १८ जुलै या कालावधीत सर्व दुकाने बंद त्यांनतर कॅंटोन्मेंट झोन वगळता अत्यावश्यक सेवा, किराणा दुकाने चालू करण्यात येतील
- पुणे आणि पिंपरी चिंचवड मनपा क्षेत्रातील स्मार्ट सिटी प्रकल्प आणि मेट्रो प्रकल्पाची कामे सुरु राहतील
- शहरातील एम. आय. डी . सी आणि खाजगी जागेवरील उद्योग चालू राहणार
- ६५ वर्षवरील व्यक्ती. अति जोखमीचे आजार असणाऱ्या व्यक्ती, गर्भवती महिला १० वर्षांकाहिलील मुले याना अत्यावश्यक सेवा किंवा वैद्यकीय कारणाशिवाय घराबाहेर पडत येणार नाही
- सर्व वैद्यकीय व्यवसायिक, परिचारिका, सफाई कर्मचारी, अँब्युलन्स याना शहरांनी राज्यांतर्गत वाहतुकीसाठी परवानगी
याशिव इतर कोणतीही व्यक्ती पायी किंवा सायकल किंवा दुचाकी/ चारचाकी घेऊन फिरणार नाही अन्यथा त्यांची वाहने जप्त करून वाहन परवाना रद्द करण्यात येईल तसेच कायद्यातील तरतुदीनुसार गुन्हा नोंद करण्यात येईल
