पुण्यातील कोरोनाग्रस्तांचा आकडा दिवसेंदिवस वाढत चालला आहे. पुण्याचे महापौर मुरलीधर मोहोळ यांना काही दिवसांपुर्वी कोरोनाची लागण झाल्याचे समोर आले होते. त्यानंतर पुण्यातील भाजपच्या कसबा विधानसभाच्या आमदार आणि माजी महापौर मुक्ता टिळक यांना कोरोनाची लागण झाली आहे. मुक्ता टिळक व त्यांच्या आईचा रिपोर्ट पॉझिटिव्ह आला आहे.
Today me and my mother have been tested positive for Covid-19.
We both are not showing any symptoms & have been advised by doctors to be under home quarantine & have thus self-isolated.
All other family members have been tested negative.
Stay Home, Stay Safe
— Mukta Tilak (@mukta_tilak) July 7, 2020
मुक्ता टिळक यांनी ट्विट करत माहिती दिली की, “आज माझा आणि माझ्या आईचा कोरोना रिपोर्ट पॉझिटिव्ह आला. आमच्या दोघींमध्ये कोरोनाची कुठलीही लक्षणं नाहीत. डॉक्टरांच्या सल्ल्यानुसार आम्ही घरातच सेल्फ आयसोलेशनमध्ये असून होम क्वारंटाईन आहोत. दरम्यान कुटुंबियातील अन्य सदस्यांची कोरोना चाचणी निगेटिव्ह आली आहे,”
दरम्यान, 3 जुलै रोजी मुक्ता टिळक यांचे वडील वसंत लिमये यांचा देखील कोरोनामुळे मृत्यू झाला होता. यापूर्वी पुणे महापालिकेचे सहा नगरसेवक कोरोना बाधित झालेत, तर आतापर्यंत जवळपास 200पेक्षा अधिक कर्मचारी कोरोनामुळे बाधित आहेत. महापौर बाधित झाल्यानंतर आता महापालिका आयुक्त शेखर गायकवाड यांच्यासह अतिरिक्त आयुक्त रूबल अग्रवाल आणि शांतनू गोयल हेदेखील होम क्वारंटाईन आहेत.
