पुणे: महाराष्ट्राच्या राजकारणात सध्या ‘जय गुजरात’ घोषणेवरून नवा गदारोळ सुरू झाला आहे. मुख्यमंत्री एकनाथ शिंदे यांनी पुण्यातील एका कार्यक्रमात ‘जय हिंद, जय महाराष्ट्र, जय गुजरात’ अशी घोषणा दिल्याने हा वाद निर्माण झाला आहे. यावरून ठाकरे गटाचे खासदार संजय राऊत यांनी मुख्यमंत्री शिंदे आणि त्यांच्या गटावर ‘सत्तेसाठी मुजरा’ करत असल्याची खोचक टीका केली आहे.
हेही वाचा…पुण्यातून ‘जय गुजरात’ची घोषणा: एकनाथ शिंदेंच्या विधानाने नवा वाद पेटण्याची शक्यता!
नेमकं प्रकरण काय?
पुण्यातील जयराज स्पोर्ट्स व कन्व्हेन्शन सेंटरच्या उद्घाटन समारंभाला केंद्रीय गृहमंत्री अमित शाह उपस्थित होते. या कार्यक्रमात बोलताना मुख्यमंत्री एकनाथ शिंदे यांनी, “या वास्तूचे भूमिपूजन पंतप्रधान नरेंद्र मोदी यांनी केले आणि लोकार्पण अमित शहा यांनी केले. मोदींनी हाती घेतलेले काम नेहमीच पूर्णत्वास जाते. अमित शाह हे देशसेवेसाठी समर्पित आहेत आणि राज्याच्या प्रगतीमध्ये तुमचा वाटा आहे,” असे म्हटले. आपल्या भाषणाच्या शेवटी त्यांनी “जय हिंद, जय महाराष्ट्र, जय गुजरात” अशी घोषणा दिली.
हेही वाचा…मनसेच्या ‘मराठी’ दणक्यावर: राणे-देशपांडे आमनेसामने!
शिंदेंनी दिलं स्पष्टीकरण
या घोषणेनंतर झालेल्या टीकेला उत्तर देताना मुख्यमंत्री शिंदे यांनी स्पष्टीकरण दिले. ते म्हणाले, “पुण्यातील गुजराती बांधवांनी एक कॉम्प्लेक्स उभारले आहे, ज्याचे आज लोकार्पण झाले. माझ्या भाषणाच्या शेवटी मी नेहमी ‘जय हिंद, जय महाराष्ट्र’ म्हणतो. ‘जय हिंद’ म्हणजे देशाचा अभिमान आणि ‘जय महाराष्ट्र’ म्हणजे राज्याचा अभिमान. आजचा कार्यक्रम पुण्यातील गुजराती लोकांसाठी होता. गुजराती लोकांनी महाराष्ट्राला आपली कर्मभूमी मानली आहे, त्यामुळे मी शेवटी ‘जय हिंद, जय महाराष्ट्र, जय गुजरात’ असे म्हटले.”
हेही वाचा…“महाराष्ट्राची अस्मिता दिल्लीश्वरांच्या पायाशी वाहिली”: सुषमा अंधारे
संजय राऊतांचा खोचक प्रहार
मुख्यमंत्री शिंदेंच्या या स्पष्टीकरणानंतरही संजय राऊत यांनी आपली टीका कायम ठेवली. राऊत म्हणाले, “एकनाथ शिंदे हे अमित शाह यांच्यासाठी आता मुशायराही करू शकतात. ते मुजराही करू शकतात. सध्या त्यांचा मुजरा सुरू आहे. शायरी काय, ते सहज दिसली म्हणून वाचतात. मी त्यांना ओळखतो. त्यांना साधी मराठी कविताही बोलता येत नाही. अमित शाह यांच्या आशीर्वादाने सत्तेत राहायचे असेल तर मुशायरा शायरी सोडा, मुजरा करावा लागेल. करू द्या त्यांना!” या विधानांमुळे महाराष्ट्राच्या राजकारणात ‘जय महाराष्ट्र’ विरुद्ध ‘जय गुजरात’ असा नवा संघर्ष पाहायला मिळत आहे, ज्यात सत्ताधारी आणि विरोधक यांच्यातील शाब्दिक युद्ध अधिक तीव्र झाले आहे.
ठाकरे बंधू अठरा वर्षांनी एकत्र: मराठी विजय मेळावा ठरणार ‘सुवर्ण क्षण’
दिशा सालियन प्रकरण पुन्हा तापले: राणे-ठाकरे गटात शाब्दिक युद्ध, राऊतांकडून माफीची मागणी!
मुंबईत ‘ठाकरे’ एकजुटीचा विजयी मेळावा: राऊतांचा शिंदे गटावर हल्लाबोल, ‘बूट चाटण्या’चा टोला!
पुण्यात अमित शाहंकडून बाजीराव पेशव्यांना मानवंदना: “एकही युद्ध न हरलेला एकमेव सेनापती!”
