जळगाव : भुसावळ येथील नगरपालिकेचे नगराध्यक्ष रमण भोळे यांना करोनाचा बाधा झाली होती. त्यांच्यापाठोपाठ आता आमदार संजय सावकारे यांचा देखील करोना चाचणीचा अहवाल पाझिटिव्ह आला आहे. राज्याचे पावसाळी अधिवेशन आटोपून घरी परतल्यानतंर सावकारे यांनी अँटीजन टेस्ट केली होती. त्यांचा अहवाल पाझिटिव्ह आल्यानतंर सावकारे हे उपचारासाठी गोदावरी फाऊंडेशनच्या डॉ. उल्हास पाटील कोविड रुग्णालयात दाखल झाले आहेत.
आपल्या संपर्कात आलेल्यांनी चाचणी करून घ्यावी. तसंच, घाबरून जाण्याचे कारण नाही .करोनावर निश्चितपणे मात करता येते, असा विश्वास देखील त्यांनी व्यक्त केला आहे.
गेल्या पाच महिन्यात राज्यातील अनेक आजी-माजी लोकप्रतिनिधींना करोनाची लागण झाली आहे. विविध कामांच्या निमित्तानं मतदारसंघात फिरत असताना अधिकारी, पोलीस व कार्यकर्त्यांशी झालेल्या संपर्कातून ही लागण झाली आहे. ठाकरे सरकारमधील अनेक मंत्र्यांनाही आतापर्यंत करोनानं गाठलं आहे. सर्व मंत्र्यांनी करोनावर यशस्वीरित्या मात केली आहे.
Read Also
उद्धव ठाकरेंऐवजी फडणवीस मुख्यमंत्री असते तर…कंगनाने पुन्हा केलं ट्विटhttps://t.co/DjbvjsElr0@KanganaTeam @Dev_Fadnavis #MaharashtraGovt
— Political महाराष्ट्र (@PoliticalMH) September 15, 2020