मुंबई : बेस्ट समितीच्या अध्यक्षपदासाठी आज निवडणूक झाली. या निवडणुकीसाठी शिवसेनेकडून प्रवीण शिंदे, भाजपकडून प्रकाश गंगाधरे व काँग्रेसकडूनरवी राजा यांनी अर्ज भरले होते.मात्र ऐनवेळी डाव पलटल्याने पुन्हा एकदा सेनेचीच सरशी असल्याचे दिसून आले. काल झालेल्या स्थायी समिती व शिक्षण समिती अध्यक्षपदाच्या निवडणुकीतूनही काँग्रेसनं ऐनवेळी माघार घेतली होती. त्याचीच पुनरावृत्ती आज झाली.
संख्याबळाच्या बाबतीत महापालिकेत दुसरा मोठा पक्ष असल्यानं समिती अध्यक्षपदांच्या निवडणुकीत शिवसेनेला शह देण्याची तयारी करणाऱ्या भाजपला काँग्रेसनं आज पुन्हा एकदा धोबीपछाड दिला. बेस्ट समिती अध्यक्षपदासाठी आज झालेल्या निवडणुकीतून काँग्रेसनं माघार घेतली. त्यामुळं बेस्टचा कारभार पुन्हा एकदा शिवसेनेच्या हाती गेला आहे.
मात्र, निवडणुकीच्या दिवशी, आज रवी राजा यांनी अर्ज मागे घेतला. मतदानाच्या वेळी काँग्रेस तटस्थ राहिली. त्यामुळं शिवसेनेचे प्रवीण शिंदे यांचा सहज विजय झाला. शिंदे यांना आठ मते मिळाली. भाजपचे प्रकाश गंगाधरे यांना ५ मते मिळाली. तर, दोन मते अवैध ठरली.
काँग्रेसच्या या माघारीच्या भूमिकेवर भाजपनं जोरदार टीका केली आहे. ‘शिवसेना पुरस्कृत विरोधी पक्षनेते रवी राजा यांनी स्वतःची उमेदवारी मागे घेऊन शिवसेनेसमोर लोटांगण घातले,’ अशी टीका भाजपचे भालचंद्र शिरसाट यांनी केली आहे. ‘विरोधी पक्ष, सत्तेतील मलाईवर लक्ष’ असा टोलाही त्यांनी काँग्रेसला हाणला आहे.
Read Also
मुलगी सुशिक्षित असो की अशिक्षित , तुम्ही बलात्काराचं करणार का ? ; भुजबळ संतापले https://t.co/krtPNoDd6L @ChhaganCBhujbal
— Political महाराष्ट्र (@PoliticalMH) October 6, 2020