मुंबई : भाजप नेते एकनाथ खडसे हे भाजप नेतृत्तावर नाराज आहेत. सातत्याने ते भाजपवर टीका करत असून ते पक्ष सोडणार असल्याची जोरदार चर्चा सुरु आहे त्यातच आता केंदीय मंत्री रामदास आठवले यांनी त्यांना आपल्या पक्षात येण्याचं खुलं निमंत्रण दिल आहे.एकनाथ खडसेंनी राष्ट्रवादीत जाण्यापेक्षा आरपीआयमध्ये यावे, आपण आपले सरकार आणूया असे आवाहन केंद्रीय सामाजिक न्याय मंत्री आणि आरपीआय प्रमुख रामदास आठवले यांनी केले आहे. एकनाथ खडसे राष्ट्रवादीत जाणार नाहीत. त्यांना जायचं असतं तर आधी जायला हवं होत. तेव्हा गेले असते तर आता मंत्री झाले असते. पण राष्ट्रवादीत आता सगळं फुल्ल असल्याचे आठवले म्हणाले.
दरम्यान काही दिवसांपूर्वी जोपर्यंत लोकांच्या मनातुन जात निघत नाही तोपर्यंत दलितांवर अत्याचार होत राहतील असं वक्तव्य केंद्रीय मंत्री रामदास आठवले यांनी केलं होत. एका वृत्तवाहिनीसोबत बोलताना त्यांनी हि भावना व्यक्त केली होती.
६ डिसेंबर निमित्त सह्याद्री गेस्ट हाऊस वर बैठक झालेल्या बैठकीनंतर ते बोलत होते. कोरोना असल्याने ६ डिसेंबरला लोकांनी येऊ नये. सगळे सण घरातच साजरा करायचे आवाहन आठवलेंनी केले. चैत्यभूमीचं ऑनलाईन दर्शन घेण्यासाठी प्रयत्न करणार असल्याचे ते म्हणाले.
शरद पवार यांच्या टीकेवर रामदास आठवलेंनी बोलणं टाळलं. पवार साहेब चांगले मित्र आहेत. आदर स्थानी आहेत. त्यांना उत्तर देणार नाही. मी माझी भूमिका मांडत असतो असे ते म्हणाले. हाथरस प्रकरणावरुन संजय राऊतांनी आठवलेंवर टीका केली होती. टीकेला आठवलेंनी प्रत्युत्तर दिलंय. कंगनाच्या वक्तव्याशी मी सहमत नाही. तिला मुंबई राहायचा अधिकार आहे म्हणून मी तिच्या पाठीशी उभा राहिलो. मी नटींच्या गर्दीत राहत नाही. मी कार्यकर्त्यांच्या गर्दीत राहतो असे ते म्हणाले.
हाथरसमध्ये मी जाऊन आलो, तुम्ही कधी जाणार आहात ? असा प्रश्न त्यांनी राऊतांना विचारलाय. हाथरस घटनेचा निषेधच करतो. आमच्या पार्टीनेही जागोजागी आंदोलन केले. परस्पर अंत्यसंस्कार करणाऱ्या पोलीस अधिकाऱ्यांना योगिनीं निलंबित केलंय. बीजेपीने सरकार विरोधात ८० हजार फेक अकाऊंट बनवले असतील तरी सरकारला ही अधिकार आहे की त्यांनी बीजेपी विरोधात १ लाख बनवा असा सल्ला आठवलेंनी दिलाय. ते त्यांची चाल चालत आहेत. आम्ही आमची चाल चालत आहोत असे आठवले म्हणाले.
Read Also :
दोन आण्याची भांग घेतली तर भारी कल्पना सुचू शकतात, भातखळकरांचा राहुल गांधींना टोला https://t.co/Gbt2BB5G71 @BhatkhalkarA @meNeeleshNRane @RahulGandhi @sachin_inc
— Political महाराष्ट्र (@PoliticalMH) October 7, 2020