माजी कृषी राज्यमंत्री, आमदार सदाभाऊ खोत यांना कोरोनाची लागण झाली आहे. ते इस्लामपूर येथील राहत्या घरी क्वारंटाईन होऊन उपचार घेत आहेत. त्यांची प्रकृती सध्या स्थिर आहे. याबाबत त्यांनी स्वतः फेसबुकवरून ही माहिती दिली आहे. आमदार खोत यांनी फेसबुकवर दिलेल्या माहितीत म्हटले आहे की, ‘माझी कोव्हिड 19 चाचणी पॉझिटिव्ह आली आहे, मात्र मी आता ठीक आहे.
खोत कोरोना संसर्गाच्या काळातही सक्रिय होते. सांगली येथे रयत क्रांती संघटनेच्या आंदोलनात ते सहभागी झाले होते. आरोग्य मंत्री राजेश टोपे यांच्या हस्ते झालेल्या इस्लामपूर येथील उपजिल्हा रुग्णालयात सुरु झालेल्या कोव्हिड सेंटरच्या लोकार्पण सोहळ्यासाठी देखील उपस्थित होते. दरम्यान संर्पकात आलेल्या लोकांना आणि कार्यकर्त्यांना त्यांनी तपापणी करुन घ्यावी असे अवाहन केले आहे.
मी क्वारंटाईन झालो आहे. तरी आपण आपली आणि आपल्या कुटुंबाची काळजी घ्या. गणरायाच्या व आपल्या सर्वांच्या आशीर्वादाने लवकरच आपल्या सेवेत हजर होईन असे खोत यांनी यावेळी म्हंटले आहे.
Read Also
‘तो’ चीन – तुर्कीचा लाडका, RSS ची आमिर खानवर कठोर शब्दात टीकाhttps://t.co/GDJNqsYI8C@RSSorg @amirkingkhan
— Political महाराष्ट्र (@PoliticalMH) August 26, 2020