नागपूर : नागपूर महानगरपालिकेत भाजपची सत्ता आहे. येत्या दोन वर्षात नागपूर महानगरपालिकेच्या निवडणुका होणार आहेत. नागपूर महापालिकेच्या राजकारणात सध्या काँग्रेस आणि भाजप हेच दोन प्रमुख पक्ष आहे. मात्र आगामी महानगरपालिकेची निवडणूक लक्षात घेऊन शिवसेनेने शहरात मोर्चेबांधणी सुरु केली आहे.
गेल्या काही दिवसांपासून नागपुरात शिवसेना चांगलीच सक्रीय झाली आहे. त्याच पार्श्वभूमीवर मुख्यमंत्री आणि शिवसेनेचे पक्षप्रमुख उद्धव ठाकरे यांनी नागपूर जिल्ह्यातील शिवसेना पदाधिकाऱ्यांच्या नियुक्ती जाहीर केल्या आहेत.नागपूर जिल्ह्यात शिवसेना नवनियुक्त पदाधिकाऱ्यांची नाव जाहीर करण्यात आली आहेत. यात नागपूर सहसंपर्क प्रमुखपदी शेख सावरबांधे आणि सतिश हरडेंची नियुक्ती करण्यात आली आहे. तर व्यावसायिक प्रमोद मानमोडे यांची प्रभारी महानगरप्रमुख म्हणून वर्णी लागली आहे. मात्र शिवसेनेचे माजी खासदार प्रकाश जाधव यांना यातून वगळण्यात आले आहे.
नागपूर मध्य, दक्षिण आणि दक्षिण पश्चिम या भागातील शहरप्रमुख म्हणून दीपक कापसे तर नागपूर उत्तर, पूर्व आणि पश्चिमसाठी नितीन तिवारी यांची वर्णी लागली आहे.त्याशिवाय नागपूर उत्तरमधील उपमहानगरप्रमुख म्हणून बंडू तलवेकर, नागपूर पूर्वमधून गुड्डू रहांगडाले, नागपूर पश्चिममधून दिगंबर ठाकरे यांची वर्णी लागली आहे.
नागपूर महानगरातील प्रभारी महानगप्रमुखपदी व्यावसायिक प्रमोद मानमोडे तर नागपूर दक्षिण आणि दक्षिण-पश्चिमच्या महानगर संघटकपदी मंगेश काशीकर यांची नियुक्ती करण्यात आली आहे. तर नागपूर पश्चिम आणि मध्यसाठी महानगर संघटक म्हणून किशोर पराते, नागपूर उत्तर आणि पूर्वसाठी विशाल बरबटे यांची नियुक्ती करण्यात आली आहे.
तर सहसंपर्कप्रमुख म्हणून सतीश हरडे, शेखर सावरबांधे आणि किशोर कुमेरिया यांची निवड करण्यात आली आहे. दरम्यान शिवसेनेचे माजी खासदार प्रकाश जाधव यांना मात्र या नियुक्त्यातून डावलण्यात आलं आहे.
Read Also
2024 पर्यंत भारत 5 ट्रिलियन डॉलर अर्थव्यवस्थेचं लक्ष्य पूर्ण करणारhttps://t.co/dlgoKRjtnX#PMModi #NarendraModi #BJP
— Political महाराष्ट्र (@PoliticalMH) October 29, 2020