एका नेत्याने कार्यकर्ता कसा सांभाळावा याचा आदर्श घ्यावा तरअहमदनगरचे जलसंधारण मंत्री शंकरराव गडाख यांचे बंधू प्रशांत गडाख यांच्याकडून. प्रशांत गडाख यांनी आपल्या जवळच्या कार्यकर्त्याला कोरोनाची लागण झाली आहे हे समजताच त्यांनी त्याची रूग्णालयात जाऊन भेट घेतली तसंच त्याच्या तब्येतीची विचारपूस केली.
सोनई येथील रहिवासी मनोज वाघ यांना कोरोनाची लागण झाली. ते गडाख यांचे कट्टर हाडाचे कार्यकर्ते. गेल्या काही दिवसांपासून ते कोरोनाशी दोन हात करतायत. हे गोष्ट समजल्यावर गडाख यांना रहावेनासं झालं. त्यांनी तडक रुग्णालयात जाऊन वाघ यांची भेट घेत त्यांची आस्थेने विचारपूस केली तसंच त्यांना धीर दिला. या भेटीची फोटो सध्या समाजमाध्यमावर व्हायरल झाल्याने एकच चर्चा ऐकायला मिळत आहेत.
मनोज यांच्या कुटुंबीयांची देखील गडाख यांनी विचारपूस करत मी तुम्हा सर्व कुटुंबीयांच्या पाठीशी असल्याचा विश्वास दिला. गडाख यांच्या साध्या माणुसकीने मनोज वाघ तसंच त्यांचे कुटुंबीय काही वेळ भावूक झाल्याचे पाहायला मिळाले. वाघ-गडाख भेटीचे फोटो जोरदार व्हायरल होतायत.
दरम्यान, प्रशांत गडाख यशवंत ट्रस्टच्या माध्यमातून अनेक लोकोपयोगी काम करत असतात. अनेक गरजुंच्या मदतीला धावून जात त्यांच्या अडीअडचणी सोडवण्याचा प्रयत्न करत असतात. त्यामुळे गडाख यांचं जनमाणसातलं स्थान आदराचे आहे.