नगर : राष्ट्रवादी शरद पवार गटाकडून निलेश लंके यांनी पहिल्यांदाच लोकसभेची निवडणुक लढवली आणि विद्यमान खासदाराला पराभवाचं पाणी पाजलं. यानंतर आता निलेश लंके यांचा सध्या ठिकठिकाणी सत्कार समारंभ सुरू आहेत. अशातच नगरच्या केडगाव उपनगरात मंगळवारी रात्री असाच एक कार्यक्रम सुरू होता. अन् त्यावेळी अचानक वीज गेली. त्यावेळी निलेश लंके यांनी वीज कंपनीच्या अधिकाऱ्याला फोन करून झापलं.
नगरच्या केडगाव उपनगरात मंगळवारी रात्री असाच एक कार्यक्रम सुरू होता. तेवढ्यात वीज पुरवठा खंडित झाला. यावर नागरिकांनी तक्रार केली की, तुमचा कार्यक्रम सुरू असताना जाणीवपूर्वक वीज पुरवठा खंडित केला जातो. त्यावर खासदार लंके यांनी लगेच वीज कंपनीच्या अधिकाऱ्यांना फोन केला. तुम्ही कोणाच्या दबावाखाली काम करीत आहात? नेमक्या माझ्याच कार्यक्रमाच्यावेळी वीज पुरवठा का खंडित होतो? असा सवालही त्यांनी केला.
हेही वाचा..मतदारसंघात एकही आमदार नाही, तरीही ठाकरेंचा उमेदवार विजयी, पाहा नेमकं काय घडलं ?
जर पाच मिनिटांत वीज पुरवठा सुरळीत झाला नाही, तर तुमच्या कार्यालयात येऊन हा कार्यक्रम घेऊ असा सज्जड इशारा खासदार लंके यांनी अधिकाऱ्यांना दिला. त्यानंतर खरोखरच पाच मिनिटांत वीज पुरवठा सुरळीत झाला आणि उपस्थितांनी जल्लोष केला.
READ ALSO :
हेही वाचा..लोकसभेनंतर शरद पवारांचं आता विधानसभेवर लक्ष्य, निवडणुक घोषणेच्या आधीच तयारी सुरू
