केंद्रीय गृहमंत्री अमित शहा यांनी भाजपचे ज्येष्ठ नेते लालकृष्ण आडवाणी यांची भेट घेतली आहे. 5 ऑगस्ट रोजी राम मंदिराची भूमीपुजनाचा कार्यक्रम आहे. या पार्श्वभुमीवर शहा यांनी आडवणी यांची भेट घेतल्याचा अंदाज वर्तवला जात आहे.
अमित शहा यांनी आडवणी यांच्या निवासस्थानी भेट घेतली. यावेळी भाजपचे नेते भूपेंद्र यादवसुद्धा उपस्थित होते. या दोघांमध्ये नेमकी काय चर्चा झाली हे अजून कळालेले नाही. परंतु 5 ऑगस्टला अयोध्येत राम मंदिराच्या भूमीपूजनाचा कार्यक्रम आहे. याबाबत दोघांमध्ये चर्चा झाल्याचा अंदाज व्यक्त केला जात आहे.
90 च्या दशकात लालकृष्ण आडवाणी यांची राम मंदिराचा प्रश्न धरून लावला होता. त्यांनी गुजरातच्या सोमनाथ मंदिरापासून ते आयोध्येपर्यंत रथयात्राही काढली होती. नंतर बिहारमध्ये मुख्यमंत्री लालू प्रसाद यादव यांनी ही रथयात्रा अडवली आणि आडवणी यांना अटक केली. तेव्हा भाजपने व्ही.पी सिंह यांना बाहेरून पाठिंबा दिला होता तो काढून घेतला आणि सिंह यांचे सरकार कोसळले.