मुंबई : भाजपाचे ज्येष्ठ नेते सरदार तारा सिंग यांचं प्रदीर्घ आजारानं निधन झालं. गेल्या अनेक दिवसांपासून त्यांच्यावर मुंबईतील लीलावती रुग्णालयात उपचार सुरू होते. अखेर आज त्यांची प्राणज्योत मालवली. सरदार तारा सिंग यांनी मुंबई महापालिकेतून राजकीय कारकिर्दीला सुरुवात केली. त्यांनी नगरसेवक ते आमदार असा प्रवास केला होता.
मुंबईतील मुलुंड मतदारसंघाचं बरीच वर्षं आमदार म्हणून सरदार तारा सिंग यांनी प्रतिनिधित्व केलं.भाजपच्या अनेक नेत्यांनी त्यांना श्रद्धांजली वाहिली आहे.
तारासिंह हे आपल्या कारकिर्दीत 5 वेळा नगरसेवक राहिले आहेत. सरदार तारा सिंग हे मुंबईतील मुलुंड मतदारसंघातून सलग चार वेळा आमदारपदी निवडून गेले होते. मात्र 2019 मधील विधानसभा निवडणुकीत त्यांना उमेदवारी नाकारण्यात आली होती.
2018 मध्ये त्यांनी माजी मुख्यमंत्री देवेंद्र फडणवीस यांच्या सांगण्यावरून नांदेडच्या सचखंड गुरुद्वारा बोर्डाच्या अध्यक्षपदाचा राजीनामा दिला होता. गेल्या वर्षी सरदार तारा सिंग यांचा मुलगा रणजित सिंग याला मुंबई पोलिसांनी पंजाब नॅशनल बँक कथित घोटाळ्याप्रकरणी अटक केली होती.
Read Also
ते आले,गाडीतून खाली उतरले आणि माझ्या पोटात लाथ घातली ! राष्ट्रवादी आमदारा विरोधात गुन्हा दाखलhttps://t.co/OZSmnpUc1L#MLAKiranLahamate #NCPMLA
— Political महाराष्ट्र (@PoliticalMH) September 19, 2020
