OnePlus ने आज अखेर बहुचर्चित सामान्यांना परवडणारा 5G स्मार्टफोन लाँच केला आहे. OnePlus Nord 5G नुकताच लाँच झाला असून भारतातील किंमतीही जाहीर करण्यात आल्या आहेत.
OnePlus Nord 5G तीन व्हेरिअंटमध्ये लाँच करण्यात आला आहे. 6GB, 64GB च्या व्हेरिअंटची किंमत Rs. 24,999 आहे. तर 8GB, 128GB व्हेरिअंटची किंमत Rs. 27,999 आहे. तर तिसरा व्हेरिअंट 12GB, 256GB ची किंमत Rs. 29,999 ठेवण्यात आली आहे. कंपनीचे सीईओ कार्ल पेई य़ांनी महिन्याभरापूर्वीच किंमत 25000 रुपयांच्या आत असणार असल्याचे संकेत दिले होते.
OnePlus Nord हा 4 ऑगस्टपासून विक्रीसाठी उपलब्ध होणार असून Blue Marble आणि Gray Onyx या दोन रंगांमध्ये मिळणार आहे. अॅमेझॉनवर याची विक्री केली जाणार आहे.
वनप्लस नॉर्डमध्ये सेल्फीसाठी 32+8MP Selfie Camera आहे. यामध्ये सोनी आयएमएक्स 616 सेन्सर देण्यात आला आहे. पाठीमागे 48-megapixel चा कॅमेरा देण्यात आला आहे. रिअर कॅमेराचा सेटअप 48+8+5+2MP Quad Rear camera असा आहे. 4115mAh ची बॅटरी देण्यात आली आहे.