पिंपरी । प्रतिनिधी देशातील पहिले संविधान भवन पिंपरी-चिंचवडमध्ये प्रस्तावित आहे. मात्र, गेल्या अडीच वर्षांच्या काळात या कामाकडे दुर्लक्ष करण्यात आले. त्यामुळे शिंदे-फडणवीस सरकारच्या काळात संविधान भवनाच्या कामाला गती द्यावी, अशी आग्रही मागणी भाजपा शहराध्यक्ष तथा आमदार महेश लांडगे यांनी केली आहे. याबाबत राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस यांना निवेदन देण्यात आले आहे.
“तुम्ही आमच्या अंगावर शाई फेकली तर माझं काय होईल ?” अजित पवारांनी सभागृहातच व्यक्त केली भिती
त्यामध्ये म्हटले आहे की, भारतीय संविधानाविषयी प्रत्येक नागरिक साक्षर करणे गरजेचे आहे. त्यासाठी देशातील पहिले ‘संविधान भवन’ पिंपरी-चिंचवड नवनगर विकास प्राधिकरणाच्या पेठ क्रमांक पाच व आठमधील मोकळ्या भूखंडावर हे ‘संविधान भवन’ उभारण्यात यावे. याबाबत आम्ही पाठपुरावा करीत आहोत. संविधान भवनाची उभारणी झाल्यास संविधानाविषयी जागरुकता निर्माण होण्यास मदत होईल.
“तुम्ही 4 महिलांना संधी दिली, आम्ही त्यापेक्षा अधिक महिलांना संधी देऊ”; फडणवीसांचं सुचक वक्तव्य
या संविधान भवनाच्या माध्यमातून संविधानाची जनजागृती करण्यात येईल. संविधान भवनमध्ये अभ्यास केंद्र, त्यामध्ये तज्ज्ञांचे संविधानावर अभ्यास वर्ग, कार्यशाळा, इतर राष्ट्रांच्या घटना तुलनात्मक अभ्यासासाठी माहितीची उपलब्धता, ‘ई’-लायब्ररी, संविधानविषयी विविध पैलू चित्रकला दालन, यूपीएससी, एमपीएससी अभ्यासिका व अभ्यासवर्ग सुरु करण्याबाबत प्रस्ताव आहे.
विदर्भ मजबूत , तर राज्य मजबुत…! मुख्यमंत्र्यांचं विदर्भसाठी खास पॅकेज जाहीर
महाविकास आघाडीमुळे प्रकल्प लांबणीवर…
दरम्यान, तत्कालीन महाविकास आघाडीच्या सत्ताकाळात संविधान भवनच्या कामाबाबात काहीही कार्यवाही करण्यात आलेली नाही. गेल्या अडीच वर्षांत या भवनाचे काम अंतिम टप्पयात आले असते. आता पिंपरी-चिंचवडसह राज्याच्या लौकीकात भर घालणाऱ्या संविधान भवनच्या उभारण्यासाठी राज्य सरकारने पुढाकार घ्यावा. त्यासाठी ‘पीएमआरडीए’च्या हद्दीतील पेठ क्रमांक पाच व आठमधील किमान पाच एकर जागा उपलब्ध करुन आर्थिक तरतूद करावी आणि कामाला गती द्यावी, आग्रही मागणी आमदार लांडगे यांनी केली आहे.
Read also
- “..तर तुम्ही मला लग्न करण्यापासून थांबवलं असतं”, फडणवीसांनी सांगितला तो लग्नाचा किस्सा
- “उद्या एकनाथ शिंदे सभागृहात खाकी पॅट घालून आले, तरी आम्ही त्यांचे स्वागतच करू”; संजय राऊत
- “अब्दुल सत्तारांच्या 50 पेक्षा घोटाळ्याची प्रकरणं बाहेर येणार”
- “एकनाथ शिंदे गट महाराष्ट्रात गुंडराज आणू पाहत आहे का ?” राष्ट्रवादीचा सवाल
- “रूपाली पाटलांनी पुराव्यासहित ती फाईल मुख्यमंत्री, उपमुख्यमंत्र्यांकडे सोपविली, कारवाईची प्रतिक्षा “