मुंबई : मंत्रालयातील नगरविकास खात्याच्या कार्यालयात जाऊन फाईल्स पाहिल्यामुळे वादात सापडलेले भाजप नेते किरीट सोमय्या आता ठाकरे सरकारवर आणखी एक बॉम्ब टाकण्याची शक्यता आहे. यावेळी उपमुख्यमंत्री अजित पवार यांचा मुलगा जय पवार किरीट सोमय्या यांच्या रडारवर असल्याचे समजते. जय पवार यांचे कारनामे मी लवकरच उघड करणार असल्याचा दावा किरीट सोमय्या यांनी केला.
गोव्यात सत्ता तर भाजपचीचं येणार, मनात मांडे खाऊ नका – चंद्रकांत पाटील
सोमय्या म्हणाले, अजित पवार यांची १०५५ कोटींची संपत्ती बेनामी घोषित झाली आणि जप्त झाली. आता पुढे काय होते ते पाहा. अजित पवार यांचा मुलगा जय पवार याने काय कारनाम केलेत, तेदेखील लवकरच बाहेर येतील, असे वक्तव्य किरीट सोमय्या यांनी केले. त्यामुळे किरीट सोमय्या आता कोणता नवा गौप्यस्फोट करणार, याकडे सर्वांच्या नजरा लागल्या आहेत.
सांगलीत भाजपला मोठा धक्का; दोन माजी आमदार राष्ट्रवादीच्या गळाला
काही दिवसांपूर्वीच किरीट सोमय्या यांनी जरंडेश्वर सहकारी साखर कारखान्यातील घोटाळ्यासंदर्भात अजित पवार यांच्यावर आरोप केले होते. बेनामी गुंतवणूक करून, कंपन्यांचे जाळे निर्माण करत उपमुख्यमंत्री अजित पवार यांनी जरंडेश्वर सहकारी साखर कारखान्याची खरेदी केली. सर्व नियमांचे उल्लंघन करून पवार यांनी स्वत:च हा कारखाना स्वत:ला विकला, असे किरीट सोमय्या यांनी म्हटले होते. किरीट सोमय्यांच्या आरोपाला अजित पवार यांनीही तोडीस तोड प्रत्युत्तर दिले होते. कोणी काही आरोप करत असले तरी त्याच्याकडं पुरावा मागितला जाईल. नुसत्या बिनबुडाच्या आरोपाला अर्थ नसतो. कुठल्याही गोष्टीची चौकशी करण्यासाठी स्वतंत्र यंत्रणा आहेत, त्यांना चौकशीचे अधिकार आहेत. त्या चौकशी करतीलच, दुसरं कुणी करणार आहे का, असा सवाल अजित पवार यांनी सोमय्यांना विचारला होता.
Read also:
- एसटी कर्मचाऱ्यांच्या संपाला नक्षलवाद्यांचा पाठींबा; गोंदियात झळकले बॅनर-पत्रकं
- न्यायालयाने जामीन अर्ज फेटाळल्यानंतर कणकवली पोलिसांत येरझारा; नितेश राणे म्हणतात…
- काँग्रेस भवनावरून इंदापूरात हायहोल्टेज राडा; हर्षवर्धन पाटील विरुद्ध संजय जगताप संघर्ष पेटणार
- मुख्यमंत्र्यांच्या पत्नी रश्मी ठाकरे, आदित्य ठाकरेंनी आचारसंहिता भंग केल्याचा आरोप; तक्रार दाखल
- अखेर ठरलं ; अहमदनगर जिल्ह्याच्या पालकमंत्रीपदी होणार ‘या’ नेत्याची निवड