अहमदनगर : केंद्रीय गृहमंत्री अमित शाह आज नगरच्या दौऱ्यावर आहेत. वरानगरला अमित शाह यांच्या उपस्थितीत सहकार परिषद आणि शेतकरी मेळावा पार पडतोय. केंद्रात प्रथमचं स्थापन केलेल्या सहकार मंत्रालयाचा पदभार स्वीकारल्यानंतर सहकार मंत्री अमित शाह पहिल्यांदाचं प्रवरानगरला सहकार परिषदेसाठी आले आहेत. यावेळी भाजप नेते राधाकृष्ण विखे पाटील यांनी अमित शाहांवर स्तुतीसुमनं उधळली आहेत. आपण सहकार मंत्री झाल्याने नवी संजीवनी मिळेल, असं विखे पाटील यावेळी म्हणाले.
“सर्वप्रथम दत्त जयंतीच्या शुभेच्छा. सहकाराच्या पंढरीसाठी आज सोन्याचा दिवस आहे. सहकार पंढरीत अमित शाह यांचे मनःपूर्वक स्वागत आहे. कोव्हिडनंतर पहिल्यांदाच एवढी मोठी सभा भरतेय. आपण सहकार मंत्री झालात आणि सहकार चळवळीला ताकद मिळाली. देशासमोर प्रवरा कारखाना हे मॉडेल आहे. मधल्या काळात सहकार सहकारी चळवळीची पीछेहाट झाली. मात्र, आपण सहकार मंत्री झाल्याने नवी संजीवनी मिळेल”, असं म्हणत राधाकृष्ण विखे पाटील यांनी अमित शाहांवर स्तुतीसुमनं उधळली.
जो प्रयत्न अमरावतीत झाला तो पुन्हा झाला तर सोडायचं नाही; राज ठाकरेंचे आदेश
“राज्यातील सहकारी कारखानदारीचे खाजगीकरण मोठ्या प्रमाणात होतंय. अनेकांनी खाजगी कारखाने काढले आणि सहकाराला दोष दिला. या सगळ्या चळवळीला आधार देण्याची आवश्यकता आहे. मोदींनी सहकाराला जीवदान दिलंय. राज्यातले अनेक नेते केंद्रात गेले. पण, सहकाराच्याबद्दल फक्त बोलले, केले काहीच नाही”, असं म्हणत त्यांनी विरोधकांना टोलाही लगावला आहे.
Read also:
- सहकारी चळवळ धोक्यात आल्याचं सांगणारेच आता…; देवेंद्र फडणवीसांचा रोख कुणाकडे?
- महाराष्ट्राची भूमी सहकार क्षेत्रासाठी काशीइतकीच पवित्र – केंद्रिय मंत्री अमित शाह
- छत्रपती शिवाजी महाराजांची विटंबना होणं, ही छोटी गोष्ट; मुख्यमंत्र्याचा संतापजनक वक्तव्य
- रामदास कदमांच्या गंभीर आरोपांवर अनिल परब यांची पहिली प्रतिक्रिया; म्हणाले…
- शिवसेना पक्षप्रमुख कोण? उद्धव ठाकरे की अनिल परब? रामदास कदमांचा हल्लाबोल