मुंबई : आगामी लोकसभा निवडणुकीच्या रिंगणात राज्यात महायुती आणि महाविकास आघाडीचे उमेदवार आमनेसामने येणार आहेत. परंतु निवडणुकीच्या अगोदर दोन्ही बाजूंनी जागावाटपावरून मोठा खेळखंडोबा होणार आहे. यातच मागच्या निवडणुकीत ज्या उमेदवाराच्या विरोधात निवडणुक लढविली, त्या उमेदवारासोबत महायुतीच्या उमेदवारांना लढवावी लागणार आहे. तर दुसऱ्या बाजूला महाविकास आघाडीत देखील अशीच परिस्थिती बघायला मिळणार आहे. यातच आता जिंकेल त्याची जागा असा या नियमाप्रमाणे लोकसभेसाठी जागा वाटपाचा महाविकास आघाडीचा फॉर्म्युला ठरल्याची शक्यता आहे.
हेही वाचा..राष्ट्रवादी अजित पवार गटात इन्कमिंग’ सुरू, अनेक कार्यकर्त्यांचा अजित पवार गटात प्रवेश
जिंकेल त्याची जागा या नियमानुसार महाविकास आघाडीमध्ये ठाकरे गटाला सर्वाधिक २१ जागा मिळण्याची शक्यता आहे. तर त्याच्याखालोखाल काॅंग्रेसला १५ ते १७ जागा, तर राष्ट्रवादी शरद पवार गटाच्या वाट्याला १० ते ११ जागा येण्याची शक्यता आहे. यात वंचित सोबत आल्यास त्याला १ तर राजू शेट्टींच्या स्वाभिमानी शेतकरी संघटनेला एक जागा येण्याची चिन्हे आहेत. यातच मुंबईमध्ये ठाकरे गटाला चार जागा येण्याचा अंदाज आहे. यामध्ये दक्षिण मुंबई लोकसभा, उत्तर पश्चिम मुंबई, दक्षिण मध्य मुंबई आणि ईशान्य मुंबई तर काॅंग्रेस याठिकाणी उत्तर मुंबई आणि उत्तर मध्य मुंबईची जागा लढवू शकते.
हेही वाचा…पोलिसांसमोरच कोयता गॅंगचा उच्छाद ..! हाच आहे का देवाभाऊंचा सुपरफास्ट सुरक्षा पॅटर्न? रोहित पवारांचा सवाल
आगामी लोकसभा निवडणुकीसाठी ठाकरे गट दक्षिण मुंबई, दक्षिण मध्य मुंबई, उत्तर पश्चिम मुंबई, ईशान्य मुंबई, कोल्हापुर, रत्नागिरी-सिंधूदूर्ग, रायगड, ठाणे, कल्याण-़ डोंबिवली, पालघर, नाशिक, शिर्डी, मावळ, धाराशीव, परभणी, छत्रपती संभाजीनगर, रामटेक, बुलढाणा, हिंगोली, वाशिम-यवतमाळ, हातकणंगले या जागांसाठी ठाकरे गट आग्रही आहे. तर काॅंग्रेसच्या वाट्याला नागपूर, भंडारा-गोंदिया, वर्धा, चंद्रपूर, गडचिरोली, अमरावती, लातूर, नांदेड, जालना, धुळे, नंदूरबार, जळगाव, पुणे, सोलापूर, सांगली, भिवंडी, उत्तर मध्य मुंबई, उत्तर मुंबई या जागेवर आपला उमेदवार देऊ शकतात.
दरम्यान राष्ट्रवादी शरद पवार गटाला बारामतीसह शिरूर, बीड, दिंडोरी, अहमदनगर, रावेर, माढा आणि सातारा तर वंचितच्या वाटेला अकोला जाण्याची शक्यता आहे. तर राजू शेट्टींना हातगणंकले जाऊ शकते. येत्या २९ तारखेला इंडिया आघाडीची जागावाटपाबाबत बैठक होत आहे. त्यामुळे या बैठकीत आता यापैकी कोणत्या जागा कुणाला ? येणार ते पाहणं अतिशय महत्वाच ठरणार आहे.
READ ALSO :
हेही वाचा..“१० तारखेनंतर राज्यात नवा नवरदेव दिसेल ; तयारी सुरू झालीय,” विजय वडेट्टीवारांचा मोठा दावा
हेही वाचापुण्यापाठोपाठ नाशकातही महायुतीत मिठाचा खडा ; जिल्हा नियोजन समितीत अजित पवार गटाचा वरचष्मा
हेही वाचा….माढा लोकसभा मतदारसंघात हाय व्होल्टेज ड्रामा ; राष्ट्रवादीच्या संजीवराजे नाईक निंबाळकरांनी घेतली विजयसिंह मोहिते पाटलांची भेट
हेही वाचाफडणवीसांनंतर शिंदेंनीही लोकसभा निवडणुकीसाठी रणशिंग फुंकलं, ६ जानेवारीपासून महाराष्ट्र दौरा, पहिल्या सभेचं ठिकाण ठरलं
हेही वाचा…१२+१२+१२+१२..! लोकसभा निवडणुकीसाठी वंचितचा जागावाटपाचा फॉर्म्युला, आंबेडकराचं इंडिया आघाडीला पत्र