भंडारा : तब्बल 12 तासांच्या तुरुंगवासानंतर आमदार राजू कारमोरे यांची तुरुंगातून सुटका झाली. पोलिसाद्वारे 50 लाख रुपये व सोनसाखळी चोरीच्या भूमिकेवर आमदार ठाम आहेत. पोलिसांविरुद्ध न्यायालयीन लढाई लढणार असल्याचा निर्धात कारेमोरे यांनी सुटकेनंतर व्यक्त केला.
अस्तित्व टिकविण्यासाठी आढाळराव पाटील घुटण्यावर; राष्ट्रवादीकडून शिरूरमधील शिवसेना संपविण्याचा डाव?
अखेर तब्बल बारा तासांच्या तुरुंगावासानंतर राष्ट्रवादी काँग्रेसचे तुमसर मोहाडी क्षेत्राचे आमदार राजू कारेमोरे यांची सुटका झाली. त्यांच्याविरोधात 31 डिंसेबरच्या रात्री मोहाडी पोलीस स्टेशनमध्ये येऊन गोंधळ घातल्या प्रकरणी विविध कलमान्वये गुन्हा दाखल करण्यात आला. या प्रकरणी त्यांना अटक करण्यात आली होती. मोहाडी दिवानी न्यायालयाने आमदार राजू कारेमोरे यांना 15 जानेवारीपर्यंत न्यायालयीन कोठडी सुनावली होती. त्यामुळं त्यांना भंडारा येथील तुरुंगात नेण्यात आले होते. कारेमोरे यांच्या वकिलांनी भंडारा जिल्हा सत्र न्यायालयात सुटकेसाठी अर्ज दाखल केला.
नितेश राणेंना मोठा दिलासा; पुढील सुनावणीपर्यंत अटक न करण्याचे आदेश
या निर्णयाविरोधात राजू कोरेमोरे यांच्या वकिलांनी भंडारा जिल्हा सत्र न्यायालयात अर्ज दाखल केला. त्यानंतर भंडारा सत्र न्यायालयाने आमदार कारेमोरे यांचा अंतरीम जामीन पंधरा जानेवारीपर्यंत मंजूर केला. परंतु, सोमवारी रात्र झाली असल्यानं भंडारा येथील तुरुंगात कारेमोरे यांची रवानगी करण्यात आली होती. नियमानुसार, रात्री आरोपीची सुटका करण्यात येत नाही. त्यामुळं कारेमोरे यांना रात्र भंडाऱ्यातील तुरुंगातच काढावी लागली. आज सकाळी जामिनाची प्रत तुरुंगात दाखविल्यानंतर कारेमोरे यांची तुरुंगातून सकाळी नऊ वाजता सुटका करण्यात आली.
जितेंद्र आव्हाड म्हणजे प्रस्थापितांना खूश करण्यासाठीचे कंत्राटी कामगार – गोपीचंद पडळकर
राजू कारेमोरे यांच्याकडून 31 डिसेंबरला एका व्यापाऱ्याने 50 लाख रुपये नेले. ते व्यापारी तुमसरकडं जात असताना पोलिसांनी त्यांना मोहाडीत अडवले. व्यापाऱ्याला मारहाण करून त्याच्याकडून 50 लाख रुपये लुटल्याची तक्रार व्यापाऱ्याने मोहाडी पोलिसांत केली आहे. याचा जाब विचारण्यासाठी राजू कारेमोरे हे मोहाडी पोलिसाकडे गेले होते. त्यांनी पोलिसांना अश्लील शिविगाळ केली होती. याप्रकरणी त्यांना अटक करण्यात आली होती. तर शासकीय कामात अडथळा आणल्याची तक्रार पोलिसांनी व्यापाऱ्याविरोधात केली आहे. पोलीस विरुद्ध आमदार असा हा वाद आहे.
Read also:
- पुणे जिल्हा बँकेत प्रदीप कंदांच्या रूपाने भाजपची ऐतिहासिक विजयी सलामी
- रश्मी ठाकरे मुख्यमंत्रिपद चांगलं सांभाळू शकतील; शिवसेना मंत्र्यांच महत्वपुर्ण विधान
- झुंड़ मे तो सुअर आते है; पोस्टरबाजी करत राणे समर्थकांनी शिवसेनेला पुन्हा डिवचलं
- …तर केंद्राच्या नियमांनुसार लॉकडाऊन लागणार; महापौर किशोरी पेडणेकरांचा इशारा
- …तेव्हा शरद पवार म्हणाले होते, मुख्यमंत्र्यांच्या हाताला लकवा मारला काय? – चंद्रकांत पाटील