पुणे : बंडातात्या कराडकर यांनी वाईन विक्रीच्या परवानगीचा विरोध करताना राष्ट्रवादी आणि भाजपच्या नेत्यांविषयी वादग्रस्त वक्तव्य केलं. त्यांच्या या वक्तव्यानंतर संपूर्ण महाराष्ट्रातून त्यांच्यावर टीका केली जात आहे. वेगवेगळ्या पक्षातील महिला नेत्यांनी तर कराडकर यांनी माफी मागावी अशी भूमिका घेतली आहे. दरम्यान, कराडकर यांनी माफी मागितलेली असली तरी या प्रकरणावर पडदा पडताना दिसत नाहीये. राष्ट्रवादीच्या नेत्या रुपाली पाटील यांनी बंडातात्या कराडकर हे महिला नेत्यांविषयी बोलताना दारु पिऊन बोलत होते, असा गंभीर आरोप केला आहे. तसेच कराकडर यांनी माफी मागितली म्हणजे झालं का ? असा सवाल करत त्यांनी आक्रमक पवित्रा धारण केला आहे.
देवेंद्र फडणवीसांनी ‘त्या’ मामाजींना भेटावं; मंत्री नवाब मलिकांचा अजब सल्ला
बंडातात्या कराडकरांवर पोलिसांनी गुन्हा दाखल केला नाही तर कोर्टातून गुन्हा दाखल करणार आहे. कोर्टातून 156 -3 नूसार गुन्हा दाखल करणार आहे. बंडातात्यांनी माफी मागितली म्हणजे संपलं का ? काल बंडातात्या दारू पिऊन बोलले, असं रुपली पाटील म्हणाल्या. आज पुण्यात कराडकर यांच्या वक्तव्याचा निषेध करण्यासाठी आंदोलन केले जात आहे. कराडकर यांच्या पुतळ्याला जोडे मारुन त्यांच्या वक्तव्याचा निषेध केला जाणार आहे.
उद्धव ठाकरे-अजित पवार म्हणजे ढवळ्या पवळ्याची जोडी – बंडातात्या कराडकर
याआधी रुपाली पाटील यांनी पुण्यात कराडकर यांच्याविरोधात पोलिसात गुन्हा दाखल करण्याची मागणी केली होती. खडक पोलीस ठाण्यात त्यांनी तशी तक्रार दिलेली आहे. तसेच बंडातात्या वडीलधारी आहेत. त्यांनी बोलताना भान बाळगायला हवं. सुप्रिया सुळे या महिलांचे प्रश्न मांडणाऱ्या नेत्या आहेत. कोण दारू पिऊन पडतं यापेक्षा त्यांनी वाईनला विरोध करावा. मात्र सुप्रिया सुळे यांचं नाव घेताना तारतम्य बाळगायला हवं. मी या घटनेचा निषेध करते, असं म्हणत रुपाली पाटील यांनी कराडकर यांच्या वक्तव्याचा निषेध केला होता.
दहावी बारावीच्या परीक्षा ऑफलाईनच होणार; राज्य शिक्षण मंडळाची घोषणा
दरम्यान, कराडकर यांनी त्यांनी सुप्रिया सुळे तसेच पंकजा मुंडे यांच्याबाबत केलेल्या वादग्रस्त वक्तव्याबद्दल माफी मागितली आहे. या महिलांबद्दल मला कोणताही वैयक्तिक आकस नाही. माझ्याकडून ते वक्तव्य अनावधानाने निघाले. मी त्याबद्दल माफी मागतो. तसेच कोणाच्या भावना दुखावल्या तर दिलगिरी व्यक्त करतो, असे बंडातात्या कराडकर म्हणाले आहेत.
Read also:
- केंद्रीय मंत्री दानवेंना अब्दुल सत्तार देणार आणखी एक धक्का; पाच हजार कार्यकर्त्यांचा लवकरच शिवसेनेत प्रवेश
- बंडातात्या कराडकरांच्या वादग्रस्त वक्तव्याप्रकरणी सातारा शहर पोलिस ठाण्यात गुन्हा दाखल
- नितेश राणेंकडून अमित शाहांचा फोटो असलेलं ‘ते’ ट्विट अचानक डिलीट; काय घडलं नेमकं…
- अजितदादा, अशा नालायकापासून आम्हाला वाचवा; गोपीचंद पडळकरांनी केला व्हिडिओ व्हायरलं
- अखेर ठाकरे सरकारची माघार; भाजपच्या १२ आमदारांच निलंबन घेणार मागे?