मुंबई : नवाब मलिकांच्या आरोपांवर बोलण्याची मला काहीही गरज नाही. त्यांना खरंतर वेळच उत्तर देईल. परंतू, मला आणि मुलांना जीवे मारण्याच्या धमक्या येत आहेत, हेही सत्य आहे. आमच्या जीवाला धोका आहे, असा खुलासा एनसीबीचे विभागीय संचालक समीर वानखेडे यांच्या पत्नी आणि अभिनेत्री क्रांती रेडकर यांनी केला आहे. आज मुंबईत पत्रकार परिषदेत बोलत होत्या.
महापालिका रणधुमाळी २०२२: विद्यमान नगसेवकांना प्रभाग रचनेचा धसका; सोईस्कर प्रभागासाठी रस्सीखेच
रेडकर म्हणाल्या, समीर वानखेडे यांच्यावर करण्यात आलेले आरोप पूर्णपणे खोटे असून त्यात काहीच तथ्य नाही. आरोप करणाऱ्या नवाब मलिकांना आमच्या शुभेच्छा आहेत. मीडिया ट्रायल करुन आरोप सिद्ध होत नाहीत. त्यांच्याकडे पुरावे आहेत तर मग ते ट्विटरवर का पोस्ट करतात? त्यांनी कोर्टात जावं, असं क्रांती रेडकर म्हणाल्या. यासोबत हे संपूर्ण प्रकरण सुरू झाल्यापासून जीवे मारण्याच्या धमक्या येत असल्याचाही खुलासा त्यांनी केला आहे.
बायको-सासुबरोबर जेलमध्ये जायचं का? प्रकाश आंबेडकरांची अशोक चव्हाणांना धमकी
“मी मराठी आहे आणि मला मराठी असल्याचा अभिमान आहे. पण मला आणि माझ्या मुलांना जीवे मारण्याच्या धमक्या येत आहेत हेही सत्य आहे. सोशल मीडिया, फोन कॉल्सवरुन तुम्हाला जीवे मारु, चौकात जीवंत जाळू अशा धमक्या येत आहेत. या धमक्यांचे सर्व स्क्रिनशॉट आमच्याकडे आहेत. ते सर्व फेक अकाऊंट्स आहेत आणि त्याची सायबर सेलच्या माध्यमातून यामागचा खरा सूत्रधार कोण हे शोधून काढणार आहे. समीर वानखेडेंना बदनाम करण्यासाठी यामागे एक संपूर्ण यंत्रणा कामाला लागली आहे”, असं क्रांती रेडकर म्हणाल्या.
शिवसेनेते असताना मी पक्ष मोठा केला, तेव्हा संजय राऊत खासदारही नव्हते; भुजबळांचा पटलवार
नवाब मलिक यांनी आज जाहीर केलेल्या पत्रावरही जोरदार टीका रेडकर यांनी केली. ज्यानं पत्र लिहिलंय त्यानं समोर येऊन आरोप करावा. सत्य आहे तर असं मागच्या मार्गानं का सांगायचं? थेट समोर येऊन जाहीर करावं. सत्याचा मार्ग अनेकांना खटकतो. पण शेवटी सत्याचाच विजय होतो. आम्ही केवळ ट्विटरबाजी करत नाही. नवाब मलिकांना योग्यवेळी उत्तर दिलं जाईल, असंही क्रांती रेडकर म्हणाल्या.
Read Also :
- अखेर समीर वानखेडे यांचा करेक्ट कार्यक्रम; लवकरच बदली होणार?
- समीर वानखेडेंनी माझ्या मुलीचा सीडीआर मागितला, माझी मुलगी गुन्हेगार आहे काय? – नवाब मलिक
- पुणे महापालिकेत लोकसंख्येनिहाय नगरसेवकांची संख्या ठरणार? 166 ऐवजी 183 उमेदवार असणार!
- समीर वानखेडे लोकांच्या घरात ड्रग्स प्लांट करतो; NCB अधिकाऱ्याचं खळबळजनक निनावी पत्र
- बायको-सासुबरोबर जेलमध्ये जायचं का? प्रकाश आंबेडकरांची अशोक चव्हाणांना धमकी