पुणे : काल गुढीपाडव्याच्या निमित्ताने शिवतीर्थावर झालेल्या सभेत मनसे अध्यक्ष राज ठाकरे यांनी महायुतीला बिनशर्त पाठिंबा जाहीर केल्याचे घोषीत केले. पुण्यात महायुतीचे अधिकृत उमेदवार मुरलीधर मोहोळ यांची ताकद आणखी वाढली आहे. त्यामुळे आगामी लोकसभा निवडणुकीत मुरलीधर मोहोळ यांच्या मताधिक्क्यात मोठी वाढ होणार असल्याची राजकीय वर्तुळात चर्चा सुरू झाली आहे.
हेही वाचा…पश्चिम महाराष्ट्रात भाजपला मोठा धक्का, धैर्यशील मोहिते पाटलांचा शरद पवार गटात प्रवेश ?
राज ठाकरे यांनी महायुतीला बिनशर्त पाठिंबा दिला आहे. त्यामुळे महायुतीच्या उमेदवारांना मोठा दिलासा मिळाला आहे. पुणे, मुंबई, नाशिक जिल्ह्यात मनसेची मोठी ताकद आहे. पंतप्रधान नरेंद्र मोदी यांना पुन्हा सत्तेत आणण्यासाठी हा पाठिंबा दिल्याची चर्चा आहे. उपमुख्यमंत्री देवेंद्र फडणवीस यांनी राज यांची भेट घेऊन पाठिंबा देण्याची विनंती केली होती. त्या पार्श्वभूमीवर राज यांनी केंद्रीय गृहमंत्री अमित शहा यांची भेट घेतली आणि महायुतीला बिनशर्त पाठिंबा देत असल्याचे जाहीर केले.
हेही वाचा…“महायुतीच्या विजयात भोर तालुका मोलाची भूमिका बजावेल”, सुनेत्रा पवारांचा आज भोर दौरा
पुण्यामध्ये मनसेचे चांगले काम आहे. मनसेचाही एक मोठा मतदार वर्ग पुण्यात आहे. मनसेला नुकताच रामराम ठोकलेले मनसेचे माजी नगरसेवक वसंत मोरे हे वंचित कडून रिंगणात उतरले आहेत. त्यांचा पुण्यातील मनसेच्या पदाधिकाऱ्यांवर रोष आहे. त्यांनी एकतर्फी निवडणूक कशी होती ते बघतो असे आव्हान दिले आहे. मात्र, आता मनसेने महायुतीला पाठिंबा जाहीर केल्याने मोरे यांच्या विरोधातील मनसेचे पदाधिकारी आणि कार्यकर्ते आणखी जोमाने काम करतील. या सर्व गोष्टींचा आपसूकच फायदा मुरलीधर मोहोळ यांचे मताधिक्य वाढण्यात होणार आहे.
मुरलीधर मोहोळ यांची प्रतिक्रिया
दरम्यान, राज ठाकरे यांनी बिनशर्त पाठिंबा जाहीर केल्यानंतर मुरलीधर मोहोळ यांनी प्रतिक्रिया व्यक्त केली आहे. “महाराष्ट्र नवनिर्माण सेनेचे प्रमुख राजसाहेब ठाकरे यांनी महायुतीला शिवतीर्थावरुन दिलेला बिनशर्त पाठिंबा, हा त्यांच्या देशाच्या विकासाबद्दल असलेला सच्चेपणा अधोरेखित करतो. हिंदू नववर्षाच्या शुभदिनी केलेल्या या घोषणेमुळे महायुतीच्या कार्यकर्त्यांना निश्तितच बळ मिळाले आहे. पुणे लोकसभा निडणुकीतही मनसैनिकांना सोबत घेऊन आम्ही एकदिलाने या निवडणुकीला सामोरे जाऊ आणि मोठ्या मताधिक्याने जिंकू, हा विश्वास वाटतो”, अशी प्रतिक्रिया पुणे लोकसभा माहायुतीचे उमेदवार मुरलीधर मोहोळ यांनी दिली.
READ ALSO :
हेही वाचा…मुरलीधर मोहोळ यांच्या प्रचारात ‘होम मिनिस्टर’ही सक्रिय ! ६ विधानसभा मतदारसंघातील भेटीगाठींचा टप्पा पूर्ण
हेही वाचा…“केंद्रात मंत्री राहिला, परंतु या माणसाने फुटकी कवडीही मतदारसंघात आणली नाही”, तटकरेंकडून अनंत गितेंची खरडपट्टी
हेही वाचा…शरद पवारांनी बारामतीत डाव टाकला, भाजपचाच ‘हा’ मोठा कार्यकर्ता फोडला
हेही वाचा…“..म्हणून आढळरावांना मतदारसंघात जनतेचा मोठा प्रतिसाद पाहायला मिळतोय,” अतुल बेनकेंनी सांगितली खरी हकीकत
हेही वाचा…“अर्चना पाटलांवर महायुतीच्या तिन्ही पक्षांतील नेतृत्वाचा प्रभाव,” म्हणाल्या.. “माझ्या जडणघडणीत..,”