मुंबई : दसरा मेळावा हा नेहमीच्या पद्धतीने होईल. हा देखील महाराष्ट्राचा सांस्कृतिक उत्सव आहे. मुख्यमंत्र्यांनी देखील ठरवलेला आहे. आम्ही देखील तशी तयारी करत आहोत. हा मेळावा त्याच जोशात होईल असा विश्वास खासदार संजय राऊत यांनी नमूद केले. राऊत यांनी माध्यमांशी संवाद साधला. ते म्हणाले दसरा मेळावा होणारच. आता हळूहळू कालपासून मंदिरे उघडली आहे. नियम पाळून सण साजरे होत आहेत. दसरा मेळावा जोशात होईल पण कुठे होणार हे आता सांगू शकत नाही.
राणेंना डच्चू: मुनगंटीवार, शेलार, गावित, वाघ यांना भाजपकडून बढती; पक्षाने सोपविली मोठी जबाबदारी
शिवसेनेची कायम भूमिका आहे की मुंबईत पक्षाचा विस्तार व्हावा. यापुर्वी देखील मुंबई शिवसेना स्वबळावरच लढत आहे. यंदा आम्ही स्वबळावर लढणार आहाेत अर्थातच महाविकास आघाडीच आहे. शिवसेना मोठा पक्ष म्हणून शंभरीच्यावर जागा मिळाव्यात यासाठी नक्कीच आम्ही तयारी करीत आहोत. मुंबईवर भगवा फडकणार, पाच वर्षांपूर्वी देखील आमच्या ताकदीवर आम्ही लढलो आहोत.
धाडी टाकून आमच्या नेत्यांची बदनामी, भाजपाने राष्ट्रवादीचा इतका धसका का घेतलाय? – जयंत पाटील
उपमुख्यमंत्री अजित पवार यांच्या निकटवर्तीयांवर आयकर विभागाचे धाड सुरु आहे या विषयावर खासदार राऊत म्हणाले ही राजकीय छापेमारी आहे. ईडी, आयकर, सीबीआय यांच्या माध्यमातून महाराष्ट्रात छापेमारी सुरु आहे. हे सुडाचे राजकारण आहे. यातून आम्ही देखील भरडले गेलाे आहाेत. उद्या काय होईल सांगता येत नाही. अजित पवार यांच्यावर राजकीय राग असू शकतो. काही कारणांनी केंद्राचा अथवा भाजपचा. परंतु ज्या पद्धतीने त्यांच्या निकटवर्तीयांना टार्गेट केले जात आहे. एखाद्या कुटुंबावर ते देखील राजकीय कुटुंबावर अशाप्रकारे दहशत निर्माण करणारी छापेमारी सुरू. महाविकास आघाडीतील सर्वच राजकीय पक्षांच्या नेत्यांवर अशा पद्धतीने टार्गेट केले जात आहे.
मोठी बातमी! काँग्रेसचे माजी आमदार वीरेंद्र जगताप यांचं घर पेटवण्याचा प्रयत्न, कोणी केला हल्ला?
जरंडेश्वरचा व्यवहार हा न्यायालयाच्या निर्णयाने झाला आहे हे सर्वांनाच माहित आहे. अनेकांचे कायदेशिर व्यवहार असून देखील केवळ शिवसेना, राष्ट्रवादी, काँग्रेसच्या नेत्यांवर दबाब आणायचा आणि त्रास द्यायचा हेच काम सध्या सुरु आहे. या प्रत्येक गोष्टीची नोंद होत आहे. ज्येष्ठ नेते शरद पवार, अजित पवार यांनी देखील हेच सांगितले आहे लोकांनी विचार करावा काय सुरु आहे. दरम्यान हेही दिवस निघून जातील. दिल्लीत आमचे ही दिवस येतील. ज्या सूडाने ज्या संस्था वागताहेत त्यांनी लक्षात घ्यावे अपना टाईम भी आयेगा असा विश्वास खासदार संजय राऊत यांनी व्यक्त केला. दरम्यान संपूर्ण सोशल मीडियाचा वापर द्वेषाचा आणि सूडाच्या राजकारण करण्यासाठी वापरला जात आहे. आपल्या राजकीय विरोधकांची बदनामी करण्यासाठी केला जात आहे. जर कोणी आंतरराष्ट्रीय मंचावर आवाज उठवला असेल तर त्याचे समर्थन व्हायला हवं असेही राऊत यांनी नमूद केले.
Read Also :
- ड्रग्स पार्टीत भाजपच्या हायप्रोफाईल नेत्याचा मेहुणाही सामील; नवाब मलिकांचा नवा गौप्यस्फोट
- पार्थ पवारांच्या कार्यालयावर तब्बल २८ तासापासून ईडीची छापेमारी; पवार कुटूंबीय गोत्यात येणार?
- …अन् भल्या पहाटे अजित पवार धरणाच्या मधोमध अडकले!
- पाहुणे घरात आहेत, ते गेल्यावर भूमिका मांडतो; ईडीच्या धाडीवर अजित पवारांची मिश्किल प्रतिक्रिया
- देगलूर पोटनिवडणुकीत शिवसैनिक गद्दारांचा मुडदा पाडतील; अब्दुल सत्तारांची तोफ धडाडली