मुंबई : वेदांत प्रकल्पावरून राज्यात सत्ताधारी आणि विरोधकांमध्ये जोरदार टिका टिप्पणी सुरू आहे. यातच आता गुजरात मॉडेल समजून घेण्यासाठी राज्यातील कॅबिनेट मंत्री गुजरातमध्ये गेल्याने त्यांच्यावर आता राष्ट्रवादीने जोरदार टिकास्त्र सोडलं आहे. त्यामुळे राज्यातील राजकीय वातावरण पुन्हा एकदा पेटलं आहे.
“कितीही अफजल खान आले तरी मी घाबरणार नाही”; ठाकरेंचा शहांवर अप्रत्यक्ष निशाणा
गुजरात विकास मॉडेल अभ्यासासाठी राज्याचे वनमंत्री आणि उद्योगमंत्री गुजरातला जातात एवढी मोठी नामुष्की शिंदे-फडणवीस सरकारमुळे महाराष्ट्रावर आली आहे, अशी टीका राष्ट्रवादी काँग्रेस पक्षाचे प्रदेश प्रवक्ते महेश तपासे यांनी केली. ईडी सरकारचे वनमंत्री सुधीर मुनगंटीवार आणि उद्योगमंत्री उदय सामंत यांना महाराष्ट्रात गुंतवणूक कशी आणायची याचा अभ्यास करण्यासाठी गुजरातला जावं लागतं याच्यासारखे दुर्दैवी सरकार महाराष्ट्रात असूच शकत नाही, असा टोला महेश तपासे यांनी लगावला.
“मंत्रालयातून संत गाडगेबाबांची” दशसुत्री शिंदे फडणवीस सरकारने हटविली”; राष्ट्रवादीची जहरी टिका
महाराष्ट्र हा गुंतवणूकदारांसाठी अव्वल नंबर राहिला आहे. देशात महाराष्ट्राचे आगळेवेगळे महत्त्व आहे. त्याच महाराष्ट्रात ईडीसरकार आल्यावर फॉक्सकॉनसारखा प्रकल्प, महत्वाची कार्यालये गुजरात पळवून नेली जातात ही शोकांतिका आहे, असेही महेश तपासे म्हणाले.
माझा आई भवानीवर अन् न्यायालयावर विश्वास, लढाई आम्हीच जिंकू..! उद्धव ठाकरे
गुजरात हे सगळे नेत असताना राज्यातील भाजप नेते हतबलतेने बघत आहेत. राज्यातील नागरिकांना, उद्योगपतींना महाराष्ट्रावर विश्वास आहे. मात्र सरकारची विश्वासार्हता काय असा प्रश्न उद्योगजगतातील लोकांच्या मनात निर्माण झाला आहे, असे तपासे यांनी सांगितले.
Read also
- राजकीय लढाई सुरू असताना मुख्यमंत्र्यांचे धडाकेबाज निर्णय; वाचा संपुर्ण यादी
- रात्री 12 पर्यंत मनसोक्त गरबा नाचा; मुख्यमंत्र्यांनी घेतला मोठा निर्णय
- कोर्टात लढाई सुरू असताना काॅंग्रेस, भाजपच्या नेत्यांचा शिवसेनेत प्रवेश; ठाकरेंचं बळ वाढलं
- मोठा ट्विस्ट..! उद्धव ठाकरेचं 2023 पर्यंत पक्षाचे अध्यक्ष, कोर्टात कागदपत्र सादर
- “शिंदेंनी पक्षाची फसवणुक केली, ते सेनेचे प्राथमिक सदस्य सुद्धा नाही”; कोर्टात ठाकरेंच्या वकिलांचा युक्तिवाद