उल्हासनगर : आगामी महापालिका अवघ्या काही महिन्यांवर येवून ठेपल्या असताना भाजपला गळतील लागल्याचे चिन्ह दिसून येत आहेत. कारण, २६ ऑक्टोबर रोजी उल्हासनगर शहरात आलेल्या जलसंपदामंत्री जयंत पाटील आणि गृहनिर्माणमंत्री जितेंद्र आव्हाड यांनी मध्यरात्री ‘कलानी महल’ येथे पप्पू कलानी याची भेट घेतली. गेल्या निवडणुकीत भाजपाच्या चिन्हावर निवडून आलेले उल्हासनगर पालिकेतील २२ नगरसेवक राष्ट्रवादी काँग्रेसमध्ये प्रवेश करणार आहेत. त्यामुळे, २०२२ ची महापालिका निवडणुक भाजपला अडचणीची जाण्याची शक्यता वर्तवली जात आहे.
तपास अधिकाऱ्याची जात, धर्म काढणं योग्य नाही; आरोप लागले आहेत तर चौकशी करा – देवेंद्र फडणवीस
जयंत पाटील आणि जितेंद्र आव्हाडांच्या भेटीआधी भाजपा नगरसेविका व पूर्व महापौर पंचम कलानी यांनी भाजपा नगरसेवक पदाचा तडकाफडकी राजीनामा दिला आहे. व्यक्तिगत कारण देत त्यांनी राजीनामा दिला आहे. राष्ट्रवादी काँग्रेसचे प्रतिनिधित्व करणारे माजी आमदार ज्योती कलानी यांच्या निधनानंतर कलानी कुटुंबात कुणीही नव्हते. त्यामुळे भाजपापासून दुरावलेल्या ओमी कलानी आणि पूर्वाश्रमीच्या पप्पू कलानीला राष्ट्रवादी काँग्रेसकडे वळवण्यासाठी पुन्हा एकदा राष्ट्रवादी काँग्रेसचे नेते आग्रही असल्याचे दिसत होते.
विधानसभा अध्यक्षांच्या नावाची चर्चा पुन्हा सुरू; महाविकास आघाडीला आमदार फुटण्याची भीती!
पंधरा दिवसांपूर्वी भाजपाचे उल्हासनगरचे आमदार कुमार आयलानी यांच्याशी पप्पू कलानीने चर्चा केली होती. याच वेळी आयलानी यांनी भाजपा प्रवेशाचे आमंत्रण दिले होते. त्यानंतर उल्हासनगरमध्ये आता भाजपाला कलानी गटाने मोठा धक्का दिला आहे. राष्ट्रवादीच्या नेत्यांच्या भेटीनंतर ओमी कलानी गटाचे २२ नगरसेवक राष्ट्रवादीत प्रवेश करणार आहेत. हा पक्षप्रवेश जितेंद्र आव्हाड यांच्या उपस्थितीत पार पडणार आहे. उल्हासनगर महापालिकेत भाजपाचे एकूण ४० नगरसेवक आहेत. त्यापैकी ओमी कलानी गटाचे २२ नगरसेवक आहेत.
Read Also :
- आरक्षणाची जबाबदारी पार पाडा, अन्यथा लाँगमार्चशिवाय पर्याय नाही; संभाजीराजेंचा सरकारला इशारा
- बिघडलेल्या बबड्यासारखी भाजपची अवस्था झाली, नेते खिशात आगपेटी घेवून फिरतायं – निलम गोऱ्हे
- समीर वानखेडेच्या जातीचा दाखला खोटा ठरल्यास मी मंत्रीपदाचा राजीनामा देणार – नवाब मलिक
- मोठी बातमी : देवेंद्र फडणवीसाना जलयुक्त शिवार योजनेप्रकरणी ठाकरे सरकारकडून क्लीन चीट
- समीर वानखेडेंच्या पहिल्या विवाहाबाबत नवाब मलिकांचा अजून एक गौप्यस्फोट; म्हणाले…