मुंबई : राज्याचे परिवहन मंत्री आणि शिवसेनेचे नेते अनिल परब यांना सक्तवसुली संचालनालयाकडून दुसऱ्यांदा समन्स बजावण्यात आले आहे. अनिल परब यांना मंगळवारी म्हणजेच २८ सप्टेंबर रोजी ईडी कार्यालयात चौकशीसाठी हजर राहण्यास सांगण्यात आले आहे. यापूर्वीही एकदा ईडीने अनिल परब यांना समन्स बजावले होते. मात्र, त्यावेळी अनिल परब यांनी उपस्थित राहण्यास नकार दिला होता.
सत्तांतर होणार? पुणेकरांचा कौल कोणाला? महाविकास आघाडीमुळे एकहाती सत्तेसाठी रस्सीखेच
अनिब परब यांना ईडीने समन्स बजावण्याची दुसरी वेळ आहे. यापूर्वी ऑगस्टमध्ये ईडीकडून अनिल परब यांना मनी लॉण्ड्रिंगच्या चौकशीसाठी समन्स बजावण्यात आले होते. मात्र, पूर्वनियोजित कामांचे कारण पुढे करत अनिल परब यांनी ईडीसमोर चौकशीसाठी उपस्थित राहण्यास नकार दिला होता. आता ईडीने पुन्हा एकदा समन्स बजावल्याने अनिल परब यांच्या अडचणीत वाढ झाल्याचे सांगितले जात आहे.
Enforcement Directorate summons Shiv Sena leader and Maharashtra Minister Anil Parab for Tuesday, in connection with a money laundering case.
Earlier, Parab was summoned on August 31 but didn't show up. pic.twitter.com/XMzaAwot2Y
— ANI (@ANI) September 25, 2021
माजी गृहमंत्री अनिल देशमुख यांच्या विरोधातील मनी लॉण्ड्रिंगच्या प्रकरणात चौकशी करण्यासाठी सक्तवसुली संचालनालयाने राज्याचे परिवहन मंत्री अनिल परब यांना पुन्हा एकदा समन्स बजावले आहे. मुंबईतील दहा पोलीस उपायुक्तांच्या बदल्यांमध्ये गैरव्यवहार झाल्याचा आरोप सचिन वाझेने केला होता. पोलीस अधिकाऱ्यांच्या बदल्यांच्या प्रकरणात अनिल परब यांना तब्बल २० कोटी रुपये मिळाल्याचा दावा सचिन वाझेने केला होता. यानंतर अनिल परब ईडीच्या रडारवर आले. वाझेच्या जबाबाच्या आधारे ईडीने ३१ ऑगस्ट रोजी अनिल परब यांना समन्स बजावले होते.
राज्यसभेसाठी भाजपच्या निलंबित १२ आमदारांची काँग्रेससोबत सेटलमेंट? फडणवीसांच रोखठोक उत्तर
दरम्यान, पहिल्यांदा ईडीने समन्स बजावल्यानंतर, नोटीस मिळाली आहे. त्यात कोणत्याही प्रकरणाचा उल्लेख केलेला नाही. त्यामुळे नोटीस कशासी संबंधित आहे, हे सांगता येणार नाही. प्रकरण कळत नाही तोपर्यंत काहीही सांगणे कठीण आहे. नोटीसमध्ये फक्त इन्व्हेस्टीगेशनचा पार्ट असल्याचा उल्लेख केला आहे. नोटीसला आम्ही कायदेशीर पद्धतीने उत्तर देऊ. मला कारणे समजली पाहिजेत. या प्रक्रियेवर कायदेशीर पद्धतीने अभ्यास करुन ईडी चौकशीला सामोरे जाण्याबद्दल निर्णय घेईन. नोटीस कायदेशीर आलेली आहे त्याला कायदेशीर उत्तर दिले जाईल. नोटीस मागचे कारण काय हे जेव्हा समजेल तेव्हा आम्ही उत्तर देऊ, असे अनिल परब यांनी यापूर्वी म्हटले होते.
Read Also :
- राज्यात तिघाड अन् वॉर्डात बिघाड; बहुसदस्यीय प्रभागरचनेमुळे उडाली इच्छुकांची झोप
- मोठी बातमी: झेडपी आणि पंचायत समितीच्या निवडणुका पुढे ढकलण्यास नकार; आयोगाने आदेश धुडकावला
- खड्ड्यांमुळे आम्हाला शिव्या खाव्या लागतात, रस्त्याची कामे नीट करा – एकनाथ शिंदे
- मोठी बातमी: ४ ऑक्टोंबर पासून शाळा सुरू होणार, मुख्यमंत्री उद्धव ठाकरे यांचा निर्णय
- स्वत:च्या घरात काय चाललंय ते बघा, दुसऱ्यांबद्दल का बोलता? – अमृता फडणवीस