नागपूर : काँग्रेसचे प्रदेशाध्यक्ष नाना पटोले यांनी पंतप्रधान नरेंद्र मोदी यांना उद्देशून वादग्रस्त वक्तव्य केल्यानंतर महाराष्ट्राच्या राजकारणात खळबळ उडाली आहे. नाना पटोले यांच्याविरोधात भाजप नेते आणि कार्यकर्ते प्रचंड आक्रमक झाले आहेत. विशेष म्हणजे नाना पटोले यांनी केलेल्या वक्तव्याप्रकरणी त्यांना अटक व्हावी यासाठी भाजपचे कोरोना पॉझिटिव्ह आमदार आज शंभर कार्यकर्त्यांसह नागपूरच्या लकडगंज पोलीस ठाण्यासमोर दाखल झाले.
मी मोदीला मारु शकतो आणि शिव्याही देऊ शकतो; नाना पटोलेंचे आक्षेपार्ह वक्तव्य
कोरोना पॉझिटिव्ह असलेल्या आमदारांचं कृष्णा खोपडे असं नाव आहे. खोपडे हे नागपूर पूर्व विधानसभा मतदारसंघाचे आमदार आहेत. खोपडे यांनी भाजपच्या 100 कार्यकर्त्यांसह पोलीस ठाण्याबाहेर आंदोलन केलं. यावेळी भाजपचे दुसरे आमदार प्रवीण दटके हे देखील उपस्थित होते. भाजप आमदार कृष्णा खोपडे हे 13 जानेवारीला कोरोना पॉझिटिव्ह आले होते. याबाबत त्यांनी स्वत: ट्विटरवर माहिती दिली होती.
काँग्रेस हा लोकशाहीतील राजकीय पक्ष की दहशत पसरविणारे संघटन? पटोलेंच्या वक्तव्यावर फडणवीसांचा संताप
विशेष म्हणजे कोरोना रिपोर्ट पॉझिटिव्ह आल्यानंतर अवघ्या पाच दिवसांनी आमदार खोपडे हे कार्यकर्त्यांसह आंदोलनात दिसले. नागपुरात एककीकडे कोरोनाचा संसर्ग प्रचंड वाढताना दिसत असताना लोकप्रतिनिधींनीच अशाप्रकारे बेजबाबदार वागणं किती जनहिताचं आहे? असा प्रश्न आता सर्वसामान्यांकडून उपस्थित केला जातोय. दरम्यान, खोपडे यांना कोरोना विषयी विचारलं तेव्हा त्यांनी आरोग्य कर्मचाऱ्यांच्या सल्ला घेऊनच आपण बाहेर पडल्याची प्रतिक्रिया दिली. आंदोलनादरम्यान कोरोना पॉझिटिव्ह असलेले आमदार कृष्णा खोपडे यांनी प्रसारमाध्यमांना प्रतिक्रिया दिली. यावेळी त्यांनी नाना पटोलेंवर सडकून टीका केली.
नाना पटोलेंची भाषा आक्षेपार्ह, त्यांना तात्काळ अटक करा; नितीन गडकरी, नारायण राणे आक्रमक
“नाना पटोले यांना पागल खाण्यात भरती करण्याची आवश्यकता आहे”, असा घणाघात त्यांनी यावेळी केला. “काँग्रेसचे प्रदेशाध्यक्ष नाना पटोले यांनी भंडाऱ्यात सार्वजनिकरित्या देशाचे पंतप्रधान नरेंद्र मोदी यांना मारहाण किंवा शिविगाळ करु शकतो, असं वक्तव्य केलं. त्यांचं हे वक्तव्य देशभरात पोहोचलं आहे. एखाद्या सामान्य कार्यकर्त्याने मंत्री जितेंद्र आव्हाड यांच्याबद्दल काही बोललं तर त्याला मुंबईहून पोलीस पकडण्यासाठी नागपुरात आले. त्याचा सरकारी खर्च करण्यात आला. मुख्यमंत्री उद्धव ठाकरे आणि पर्यावरण मंत्री यांच्याबद्दल ट्विट केलं तर थेट नागपूरला पोलीस आले. त्यापेक्षाही जास्त भयानक चूक नाना पटोले यांनी केली. त्यामुळे नाना पटोले यांना तातडीने अटक करा, अशी पोलिसांना विनंती आहे”, असं खोपडे म्हणाले.
Read also:
- नाना पटोलेंना मोदींबद्दलच वादग्रस्त वक्तव्य भोवणार? भाजपची पोलिसांत तक्रार दाखल
- मनोहर पर्रिकरांनी ज्यांना मोठं केलं तेच त्यांच्या मुलाची औकात काढत आहेत – संजय राऊत
- नानाभाऊंनी, राजीनामा देवून पुण्याच्या येरवड्यात दाखल व्हावं; महापौर मुरलीधर मोहोळांचा सल्ला
- पंतप्रधान मोदींबद्दल नाही तर एका गावगुंड मोदीबाबत बोललो; नाना पटोलेंचा यु-टर्न
- हिंमत असेल तर गोव्यातून निवडणूक लढवा; चंद्रकांत पाटलांचे राऊतांना खुले आव्हान