वर्धा : राजकारणात कोणी कोणाचा कायमचा मित्र नसतो, असं म्हणतात. कोण, कधी, कसा आणि कुठे फिरेल, हे भल्याभल्यांना सांगता येत नाही. हे लक्षात ठेवूनच राजकारणी पावलं टाकत असतात. अशा बेभरवशाच्या वातावरणात मृत्यूपत्रात नाव टाकण्याइतपत एखादा राजकारणी दुसऱ्या राजकारण्याला विश्वासार्ह वाटत असेल तर?…
चंद्रकांत पाटलांची जीभ घसरली होती, आता पाय घसरू नये – नवाब मलिकांचा टोला
केंद्रीय मंत्री नितीन गडकरी यांच्या बाबतीत हे घडलं आहे. विदर्भातील ज्येष्ठ नेते, माजी खासदार दत्ता मेघे यांनी आपल्या मृत्यूपत्रात नितीन गडकरी यांचं नाव नमूद केलं आहे. वर्धा नगरपालिकेच्या कार्यक्रमात सोमवारी गडकरी व मेघे एकत्र होते. यावेळी बोलताना दस्तुरखुद्द मेघे यांनीच ही माहिती दिली. ‘माझे सर्व पक्षांशी चांगले संबंध आहेत. नितीनजी आमच्या फॅमिलीचे महत्त्वाचे नेते आहेत. मी माझ्या मृत्यूपत्रात काही घोळ होऊ नये म्हणून त्यांचं नाव दिलं आहे,’ असं मेघे यांनी सांगितलं. यावेळी मेघे यांनी गडकरी यांच्या कामाचं तोंडभरून कौतुक केलं.
अभियांत्रिकी, वैद्यकीय, नर्सिंग, फिजिओथेरपी व व्यवस्थापन आदी अभ्यासक्रमांसह केजी ते पीजीपर्यंत शिक्षण संस्थांचा वटवृक्ष, वसतीगगृह सूत गिरण्या, साई अनाथाश्रसह विविध संस्था असणाऱ्या मेघे समूहाकडे कोट्यवधी रुपयांची मालमत्ता आहे. सुमारे एक दशकापूर्वी मेघे कुटुंबात कलह उफाळून आला होता. यानंतर नितीन गडकरी यांच्या मध्यस्थीने वादावर पडदा टाकण्यात आला. सुमारे ३ वर्षांपूर्वी मेघे यांच्या मृत्यूपत्रात अटलबहादूरसिंग, गिरीश गांधी आणि नितीन गडकरी यांचा उल्लेख होता. दीड वर्षापूर्वी यात सुधारणा करण्यात आली. आता फक्त नितीन गडकरी यांचे नाव आहे. कुटुंबातील सदस्यांच्या नावावर असणारी मालमत्ता मिळेलच पण, काही वाद झाल्यास नितीन गडकरी म्हणतील त्याची सर्वांना अंमलबजावणी करावी लागेल, असे दत्ता मेघे यांनी ‘मटा’शी बोलताना स्पष्ट केले.
दत्ता मेघे यांचे पुत्र आमदार समीर म्हणाले, गडकरी यांच्याशी असणारे स्नेहबंध यावरून अधोरेखित होतात. कुटुंबात किंवा संस्थांवरून कुठलाही वाद नाही. तथापि, भविष्यात काही समस्या उद्भवू नये, याची काळजी वडिलांनी घेतली असावी.
Read Also :
- ईडीची पुढची कारवाई काँग्रेस नेते अशोक चव्हाणांवर? चंद्रकांत पाटलांच्या वक्तव्याने नांदेडमध्ये उडाली खळबळ
- व्हायरलं ऑडिओ क्लिप प्रकरण पडलं महागात; शिवसेनेतून रामदास कदमांचा पत्ता होणार कट?
- शिवसेना-राष्ट्रवादीतील अंतर्गत वाद चव्हाट्यावर आला अन् सेना आमदाराच्या होर्डिंगवर थेट मोदींची फोटो लागला
- पंकजा मुंडेवर भाजपने सोपविली मोठी जबाबदारी; मध्यप्रदेशातील निवडणुकीचा प्रचार करणार
- आमदार रवी राणांचा शेतकऱ्यांच्या मदतीसाठी राडा; नियोजन भवनासमोर कुजलेल्या सोयाबीनची केली होळी