मुंबई : मुंबईच्या महापौर किशोरी पेडणेकर यांना धमकीचं पत्र पाठवण्यात आलं आहे. या पत्रामध्ये पेडणेकर यांच्याबद्दल अश्लील भाषेचा वापर करण्यात आला आहे. तर कुटुंब संपवण्याचा इशारा पत्राद्वारे दिला आहे. यापूर्वीही महापौर पेडणेकर यांना धमकी देण्यात आली होती.
कोट्यवधींची संपत्ती असणारे प्रविण दरेकर मजूर कसे? संभाजी भोसलेंचा आक्षेप
किशोरी पेडणेकर यांना ज्या पत्राद्वारे धमकी देण्यात आली आहे, त्या पत्रावर जुन्या घराचा पत्ता असल्याचं सांगण्यात येत आहे. महापौरांना जी पत्रे येतात, त्यात हे देखील पत्र होतं. या पत्रात आक्षेपार्ह भाषेचा वापर करण्यात आलेला आहे. धक्कादायक बाब म्हणजे, पत्राच्या वर दुसरे नाव आहे आणि आतमध्ये वेगळे नाव असल्याचे सांगितले जात आहे.
पळून गेलेल्या गुन्हेगाराला सुप्रीम कोर्ट अटकेपासून वारंवार संरक्षण का देताय? खासदार अरविंद सावंत
महापौर किशोर पेडणेकर यांच्या महापौर बंगल्यावर आलेल्या पत्रांपैकी हे एक पत्र आहे. त्यावरचा पत्ता चुकीचा होता, पण ते पत्र येथे आले आहे. पत्रामध्ये शिवीगाळ केली आहे, तसेच कुटुंबीयांना जीवे मारण्याची धमकी देण्यात आली आहे. याबाबत पोलिसांत तक्रार दाखल करणार असल्याचे महापौर किशोरी पेडणेकर यांनी सांगितले. माझा आवाज दाबण्याचा कुणी प्रयत्न करत असेल, पण मी शिवसेनेची कार्यकर्ता आहे, असे त्यांनी ठणकावून सांगितले.
एक सोपा आणि साधा संकल्प पूर्ण करणार का? पंकजा मुंडेंचे भावनिक पत्र व्हायरल
किशोरी पेडणेकर यांना मिळालेलं हे धमकीचे पत्र पनवेल येथून कुरिअरद्वारे आले असल्याची माहिती देण्यात आली आहे. माझ्या दादाकडे वाकड्या नजरेने पाहू नका, असा इशारा त्यात देण्यात आला आहे. याबाबत महापौर पेडणेकर या पोलिसांत तक्रार दाखल करणार आहेत. हे पत्र नेमकं कुठून आलं, ते कुणी पाठवलं याबाबत काही माहिती मिळू शकलेली नाही. दरम्यान, महापौर पेडणेकर या पोलीस ठाण्यात तक्रार दाखल करणार असून, कुटुंबीयांसाठी संरक्षण देण्याची मागणी करणार आहेत.
नवाब मालिकांनंतर आता ‘यांना’ वानखेडे कुटुंबीयांनी ओढले न्यायालयात
यापूर्वीही मागील २१ डिसेंबरला महापौर किशोरी पेडणेकर यांना धमकी देण्यात आली होती. महापौर पेडणेकर या त्यावेळी महापालिका मुख्यालयात होत्या. त्याचवेळी त्यांना एक फोन आला होता. त्यावरून त्यांना जीवे मारण्याची धमकी देण्यात आली होती. याप्रकरणी आझाद मैदान पोलीस ठाण्यात तक्रार दाखल करण्यात आली होती. त्यानंतर गुन्हा दाखल करण्यात आला होता. एका अनोळखी क्रमांकावरून हा फोन त्यांना आला होता. समोरील व्यक्तीने त्यांना शिवीगाळ केली होती. तसेच ती व्यक्ती त्यांच्याशी अर्वाच्य भाषेत बोलत होती. पोलिसांनी तपास केला असता, तो फोन करणारा तरूण गुजरातच्या जामनगरचा असल्याचे स्पष्ट झाले होते. त्याला मुंबई पोलिसांच्या पथकाने ताब्यात घेतले होते.
Read Also :
- “त्यांना जातीयवादाची काविळ झालीये”; अमोल कोल्हेंनी सुनावलं
- कोट्यवधींची संपत्ती असणारे प्रविण दरेकर मजूर कसे? संभाजी भोसलेंचा आक्षेप
- विधानपरिषदेचे १७ आमदार होणार निवृत्त; महाराष्ट्रात पुन्हा एकदा बदलणार राजकीय गणिते
- काँग्रेसने ऐनवेळी उमेदवार बदलला; अपक्ष उमेदवार आणि बावनकुळेंमध्ये थेट लढत होणार!
- पाच नाही तर पंचवीस वर्षे महाराष्ट्रात ठाकरे सरकार टिकणार; खासदार सुप्रिया सुळेंचा दावा