मुंबई : भाजप-शिवसेनेचे भांडण लावून काँग्रेस-राष्ट्रवादी सत्तेत आली, नाहीतर काय यांची औकात. एकाचे ४४ आणि दुसऱ्याचे ५४, आणि दुसऱ्यांचे २०-२२. अपघाताने काँग्रेस राष्ट्रवादी सत्तेत आली. या पक्षाची संस्कृतीच भांडणं लावण्याची आणि पाडापाडी करण्याची आहे. संशय निर्माण करणे, जातीजातींमध्ये भांडण लावणे. राज ठाकरे काही चुकीचं बोलले नाहीत. काँग्रेसचे एक मंत्री मला म्हणाले की, उद्धव ठाकरेंनी उद्या चौकात जाऊन थोबाडीत मारले तरी आम्ही बाहेर नाही पडणार. इतकी सत्ता त्यांना प्यारी आहे. कोणत्याही प्रयत्नाशिवाय त्यांना सत्ता मिळाली आहे. त्यामुळे ते सत्ता सोडणार नाहीत, अशी बोचरी टीका भाजप प्रदेशाध्यक्ष चंद्रकांत पाटील यांनी केली आहे. एका वृत्तवाहिनीला दिलेल्या मुलाखतीत त्यांनी हे वक्तव्य केलं आहे.
राणे प्रकरणावर राष्ट्रवादी काँग्रेस अध्यक्ष शरद पवारांनी दिली महत्त्वाची प्रतिक्रिया, म्हणाले…
शिवसेना आणि भाजपमधील भांडण पाहून काँग्रेस-राष्ट्रवादी मजा घेत होते. हॉटेलमध्ये सेलिब्रेशन करत होते. सख्ये भाऊ कसे भांडताहेत, कसे एकमेकांचे कपडे फाडत आहेत. एकमेंकांच्या उरावर बसत आहेत. हे पाहून मजा घेत होते. भाजपकडून काही घडलं झाली नाही असं म्हणणार नाही, पण अंडे आधी की कोंबडं आधी हा प्रश्न आहे. २०१४ मध्ये आम्ही एकमेकांना खूप शिव्या दिल्या, पण पुन्हा पाच वर्ष युती केली. त्यामुळे राजकारणात कधीच पूर्णपणे फाटत नाही, असं सूचक वक्तव्य चंद्रकांत पाटील यांनी केलं आहे.
पोलीस बळ वापरा अन् अटक करा, करावंच लागेल तुम्हाला; मंत्री अनिल परबांची क्लीप व्हायरल
माझा सल्ला किंवा सूचना नाही पण एक इच्छा आहे की, उद्धव ठाकरेंनी हा डाव समजून घ्यावा. दिर्घकालीन राजकारणासाठी हे ठीक आहे का? राष्ट्रवादीची काय स्थिती आहे हे पाहावं. कितीही मारामारी झाली तरी सख्खा भाऊ-सख्खा भाऊच राहतो. तो सावत्र भाऊ होत नाही. काहीही आरोप झाले तरी शेवटी ते भाऊच राहणार आहेत. आम्ही हिंदूत्वाच्या रक्ताचे एक भाऊ आहोत. पण, काल खूप भांडणं झाली. पण तरी सख्खे भाऊ आहोतच, असंही पाटील म्हणाले.
Read Also :
- आयकर विभागाकडून भुजबळांची १०० कोटींची मालमत्ता जप्त, अटकही होणार! सोमय्यांचा दावा
- परिवहन मंत्री अनिल परब यांच्या घरावर हल्ला; पोलिसांत गुन्हा दाखल करण्याचे प्रक्रिया सुरू
- दु. ४ वाजता राणेंची पत्रकार परिषद, नवे गौप्यस्फोट करणार असल्याची चर्चा
- आसमान में थुंकने वालों, करारा जवाब मिलेगा; नितेश राणेंचा शिवसेनेला इशारा
- फुग्याला भोक तुमच्या पडलं, आमच्या नाही; चंद्रकांत पाटीलांचा शिवसेनेवर घणाघात