पुणे : राज्याबरोबरच शहरातही पावसाचा जोर वाढलेला असताना पालिकेने क्षेत्रीय कार्यालय स्तरावर उभारलेले सर्व १५ स्वयंचलित पर्जन्यमापक चक्क बंद स्थितीत आहेत. त्यामुळे शहराच्या विविध भागांमधील पावसाची सद्यस्थिती आणि पर्जन्यमानाची नेमकी आकडेवारी महापालिकेला समजत नसल्याचे चित्र आहे. महापालिकेचा आपत्ती व्यवस्थापन विभाग हवामान विभागाच्या आकडेवारीचा आधार घेत आहे. मात्र, ही आकडेवारी विविध भागातील पावसाची नेमकी माहिती देत नसल्याने मर्यादित भागातच अधिक पाऊस झाल्यास वेळेत उपाययोजना करणे आव्हानात्मक बनणार आहे.
विकासाचे चित्र स्पष्ट: दरवर्षी मुसळधार पावसाने पाण्याखाली जाणारा भिडे पूल, यावर्षी मात्र जलपर्णीखाली
पुण्याच्या पावसाच्या नोंदी भारतीय हवामानशास्त्र विभागातर्फे (आयएमडी) शिवाजीनगर, पाषाण आणि लोहगाव येथून घेतल्या जातात. या शिवाय राज्य सरकारच्या पर्जन्यमापकांद्वारे शिवाजीनगर, कोथरूड, केशवनगर आणि हडपसर येथे दैनंदिन पावसाची नोंद होते. मात्र, पर्जन्यमापन यंत्रणेच्या अभावी शहराच्या इतर भागांमध्ये पडणाऱ्या पावसाची आकडेवारी कधीच समजत नाही. त्यामुळे महापालिकेने आपल्या सर्व १५ क्षेत्रीय कार्यालयांच्या छतावर २०१७ मध्ये ‘स्मार्ट रेन ट्रॅकर-एसआरटी’ ही स्वयंचलित पर्जन्यमापक यंत्रणा बसवली. ‘स्मार्ट सिटी’ उपक्रमाअंतर्गत ही यंत्रणा बसवली गेली.
राज्यातील पूरग्रस्त भागात मिळणार लसीकरणाला गती! फडणवीसांना सोबत घेऊन राजेश टोपे जाणार केंद्राकडे
पावसाचा जोर वाढू लागल्यावर दर तीन तासांनी; तर अतिवृष्टीसारख्या घटनांदरम्यान दर तासाला सर्व केंद्रांवरून पावसाच्या नोंदी संबंधित अधिकाऱ्यांना एसएमएसद्वारे मिळव्यात, अशी व्यवस्थाही करण्यात आली होती. त्याचबरोबर सर्वसामान्य नागरिकांनाही या नोंदी पाहता याव्यात, यासाठी www.pune.maharain.org वेबसाइटवरही या नोंदी अद्ययावत करण्याची सुविधा देण्यात आली होती. परंतु, सध्या या वेबसाइटसकट सर्वच यंत्रणा बंद आहे. त्यामुळे अचानक कमी वेळात जोरदार पाऊस होऊन आंबिल ओढ्यासारखी दुर्घटना घडली, तर त्याला जबाबदार कोण, असा सवाल उपस्थित होत आहे.
रायगडच्या तळीयेमध्ये भीषण दुर्घटना, दरड कोसळून तब्ब्ल ३२ जणांचा मृत्यू; आकडा वाढण्याची शक्यता
महापालिकेच्या सर्व क्षेत्रिय कार्यालयांमधील स्वयंचलित पर्जन्यमापक यंत्रणा बंद आहेत. ही यंत्रणा दुरुस्त व अद्ययावत केली जाणार आहे. सध्या पावसाच्या नोंदी हवामान विभाग आणि उष्णकटिबंधीय हवमानशास्त्र संस्थेकडून (आयआयटीएम) घेण्यात येत आहेत.
-गणेश सोनुने, आपत्ती व्यवस्थापन अधिकारी, पुणे महापालिका
Read Also :
- रायगडमध्ये आणखी एक दरड दुर्घटना, पोलादपूर येथे दरड कोसळून ११ जणांचा मृत्यू
- “कोकण बुडत असताना राज्यकर्ते मात्र पार्ट्या झोडताय” अनेकांनी व्यक्त केला संताप
- कोल्हापुरात पंचगंगेने धोक्याची पातळी ओलांडली, आमदार ऋतुराज पाटील भर पावसात पूरग्रस्तांच्या भेटीसाठी
- राज्याला लोकांचं हित जोपासणारा मुख्यमंत्री हवा, ड्रायव्हर नको, नारायण राणे यांची खोचक टीका
- सांगली पालिकेकडून नागरिकांना सुरक्षित स्थळी जाण्याचे आवाहन, कृष्णा नदीची पाणीपातळी ३० फुटांवर